Këngëtarja shqiptare me famë botërore, Rita Ora, së fundmi ka marr pjesë në emisionin e prezantuesit të famshëm amerikan, Jimmy Fallon.
Dhe ndryshe nga herët e tjera, Rita kësaj radhe ishte e ftuar bashkë me partnerin e saj, Taika Waititi.
Në fotografitë e publikuara, artistja e njohur dhe I dashuri I saj u përfshinë së bashkë në lojërat argëtuese që zhvillohen përgjatë emisionit. Ndërsa, ndër tjera ylli i hitit “Anywhere” po ashtu mbajti një performancë ‘live’ për audiencën. “Mezi pres që ju të shihni se si doli gjithçka!! Kohë shumë argëtuese”, ka shkruar Rita në mbishkrimin e imazheve. 31-vjeçarja dukej elegante në e veshur në një trupore me ngjyrë të zezë, ndërkohë Taika ishte po ashtu në një kostum elegant. Kujtojmë që çifti i famshëm kaluan festat e fundvitit së bashkë në Australi.
