Industria vijon të jetë ndër sektorët ku biznesi ka besim në perspektivën e zhvillimit më të shpejtë, për periudhën në vijim.

Sipas vrojtimit të Bankës së Shqipërisë, besimi i bizneseve dhe konsumatorëve në sektorin e industrisë shënoi rritje prej 1.5 për qind në muajin dhjetor 2021, krahasuar me muajin e kaluar.

Banka e Shqipërisë bën të ditur se, rritja i atribuohet ecurisë pozitive të prodhimit dhe kontratave porositëse në total, që kanë ndikim të drejtpërdrejtë me përmirësimin e gjendjes financiare të bizneseve të këtij sektori dhe zgjerimin e tregut  të punës.

Ky sektor gjithashtu, regjistron tregues pozitiv edhe për sa i takon investimeve të huaja.

Sipas BSH-së, investimet e huaja direkte në sektorin e industrisë shënuan vlerën 51 milionë euro, në tremujorin e tretë të vitit 2021, dy herë më shumë krahasuar me të njëjtën periudhë të një viti më parë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.