Një 22-vjeçar shqiptar ka humbur jetën natën e ndërrimit të viteve në Angli. BBC raporton se Fatjon Oruçi u gjet i vdekur pas trazirave të dhunshme në një rrugë në South Yorkshire, në qyetezën e Rotherham.

Oruci, i cili jetonte në Londër, u gjet i plagosur rreth orës 01:20 të shtunën. Një ekzaminim pas vdekjes tregoi se ai humbi jetën nga plagët si pasojë e rrahjes, ndërsa ishte goditur gjithashtu me thikë, tha policia e South Yorkshire.

Policia ka arrestuar për këtë ngjarje një dy të rinj, një 26-vjeçar dhe një 20-vjeçare, të dy nga Londra, me dyshimin për vrasje dhe ishin liruar nën hetim, shtoi policia. Një 23-vjeçar nga Rotherham u arrestua të martën i dyshuar po ashtu si i përfshirë në vrasjen e të riut. Megjithatë, edhe ky i fundit është liruar  për shkak të mungesës së provave.

Policia e South Yorkshire tha se familja e Fatjonit është informuar dhe aktualisht po merr mbështetje. Hetimi i policisë është në vazhdim dhe oficerët janë ende duke inkurajuar këdo që mendon se mund të ndihmojë me hetimin të dalë përpara.

Sipas asaj që shkruan BBC, nga ekzaminimi mjeko-ligjor rezultoi Oruçi vdiq nga gjakderdhja si pasojë e plagëve të rënda të shkaktuara nga goditjet. Policia e South Yorkshire saktësoi se ai ishte goditur edhe me thikë.

Ndërkohë, policia ka kërkuar ndihmën e personave që mund të kenë dëshmuar ngjarjen dhe kanë informacion rreth saj, teksa hetimet për vrasjen e Oruçit vijojnë. Deri më tani e gjithë ngjarja që çoi në vdekjen e të riut shqiptar mbetet e paqartë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.