Erli Gurra nga Tirana është i vetmi mjeshtër violinbërës në Shqipëri.

Që në vogëli ai e dinte do të bëhej një mjeshtër viole, Erli thotë që në venat e tij nuk rrjedh vetëm gjak, por edhe nota muzikore.

ERLI GURRA, MJESHTËR VIOLINE: ” Pasioni për luterinë ose mjeshtërinë e bërjes së violinës tek unë është trashëguar. Babai im Ramazan Gurra, është mjeshtër akordues pianosh në Universitetin e Arteve, gjyshi im ka qenë kompozitor i muzikës popullore qytetarë, po ashtu edhe stërgjyshi dhe katërgjyshi kanë qenë personazhe që janë marrë me rregullimin, restaurimin dhë bërjen e instrumentave popullore. ”
Për të prodhuar këtë instrumentet muzikore të kërkohet durim dhe frymëzim, në të kundërt violina nuk nxjerr tingullin e duhur muzikor. Dhe se si bëhet një violinë cilësore Erli, këtë gjë e ka mësuar në universitetin më të mirë në botë për ndërtimin e violinave.

ERLI GURRA, MJESHTËR VIOLINE: ” Në 2003 regjistrohem në shkollën e Ceremonisë pranë Universitetit Antonio Stradivarius që është shkolla më e famshme në botë që është për konstruksionin e instrumenteve me harqe.

Për të nxjerrë një violinë të mirë çfarë duhet të kesh parasysh?

Aftësia që ne kemi për ta kuptuar dhe dëgjuar drurin duke e punuar është ajo që ne mjeshtrat lutajo kemi në diferencë nga të tjerët për ta bërë një violinë super të mirë.

Si e kupton ti cilësinë akustike?

Nëpërmjet duarve të mia unë kuptoj vibrimin e drurit. Ky është një moment ku druri komkon me mua se ku duhet të vazhdoj punën.

Sa kohë të duhet për të prodhuar një violinë?

Afërsisht një muaj, ndërsa violinçeli kërkon 3-4 muaj.

Violinat Made in Albania ku i gjejmë?

Në të gjithë botë dhe në çdo kontinent. “/Top Channel

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.