Shoqata e femrave shqiptare në Bari, Itali, “Shqiponjat e Mëndafshta” organizon seminarin me temë: “Femrat në intership dhe teknologji digjitale”, një seminar, ku do të referojë Profesoresha e nderuar shqiptare Valentina Ndou.

Valentina Ndou ka lindur në Shkodër-Shqipëri. Që nga viti 1999 ajo është rezidente në Itali dhe aktualisht profesor agregat në Departamentin e Inxhinierisë së Inovacionit në Universitetin e Salentos.

Është autore e mbi 40 publikimeve shkencore në revista, vëllime dhe akte të konferencave ndërkombëtare.

Valentina Ndou shprehet: “Më pëlqen shumë aforizmi i Ghandit, e ardhmja varet nga çfarë bëjmë në të tashmen. Kjo është arsyeja pse unë do të doja të vë në dispozicion të komunitetit ku jetoj përvojat e mia akademike dhe profesionale, në mënyrë që të mund të nxjerr shtigje të rritjes sociale dhe qytetare të frymëzuara nga merita, përfshirja dhe inovacioni”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.