Vëllezërit Pelushi, Rei dhe Xhon janë studentë ekselence në USA, në kolegjin ku ata studiojnë “Missouri Valley College”.
Rei Pelushi, vëllai i madh ka mbaruar ekselent kolegjin dhe tani është në vitin e dytë Master, gjithashtu Rei është lektor i një lënde, paralelisht është assistant coach i ekipit të tenisit.
Rei Pelushi ka qënë Kampion i tenisit shqiptar për 10 vjet, Lojtar i “Davis Cup”, Lojtar i “Vikings” ku në 2017-ën u shpall lojtari më i mirë. Vëllai i vogël Xhon është në vitin e dytë me rezultate ekselete si edhe është pjesë e stafit akademik të kolegjit konkretisht ” Hepl Desk Technician” në Office of Information Technology. Në një intervistë për “Diaspora Shqiptare” Rei Pelushi tregon për më shumë detaje rreth karrierës në SHBA dhe lidhjes me Shqipërinë.
Keni mbaruar studimet në “Missouri Valley College”, falë një burse që ju është ofruar nga shumë universitete si student ekselent, sa i rëndësishëm është për ju formimi profesional në sportin e tenisit?
Formimi profesional i sportit të tenisit për mua ka qenë shumë i veçantë dhe një gur i rëndësishëm i formimit të karakterit tim. Disiplina e këtij sporti duke qënë se është sport individual dhe ti je i vetëm në fushë më ka mësuar që dhe në fushën e jetës duhet të jesh gjithmonë vetvetja. Talenti zë 10% ndërsa puna 90 % në çdo fushë të jetës.
Në Amerikë keni marrë dy trofe, na tregoni pak si i keni përjetuar?
Kam qënë i vetem dhe emocionet kanë qënë shumë herë më të veçanta. Unë isha mësuar me shumë trofe, por këtu ne SHBA realisht përjetimi ishte ndryshe. Ja dola edhe këtu i thosha vetes, megjithëse njeriu e merr shpërblimin e mundit dhe sakrificës, isha I lumtur për veten dhe për familjen time.
A vlerësohet sa duhet sporti i tenisit?
Këtu ne SHBA sigurisht që vlerësohet shumë, ndërsa me keqardhje e them që në Shqipëri jo aq sa duhet, megjithëse këto vitet e fundit ka filluar paska.
Jeni shprehur se keni “brum” shqiptar, edhe pse tashmë jetoni në SHBA, mendoni se hapat më të mirë për tenisin i keni marrë në vendlindje?
Pa diskutim që po dhe e them kudo me krenari që vij nga vendi i shqiponjave. Shqipëria është në zemrën time gjithmonë, madje taton e topit të tenisit e kam me flamurin shqiptar. Hapat e pare dhe më të rëndësishëm sigurisht që në vendlindje. Këtu në SHBA kam ardhur një lojtar i kompletuar në të gjitha drejtimet, thjesht arritjet e mia kanë qënë ggjithmonë në rritje.
A e shikoni veten sërish në Shqipëri, ndoshta për të sjell eksperiencën si tenist profesionist në Shqipëri?
Unë e kam thëne dhe në intervista të tjera që në një të ardhme eksperiencën time të tenisit dhe fushës akademike do t’i sjell me shume dashuri e përkushtim në Shqipërinë time.
Xhon është vëllai i vogël dhe është në vitin e dytë me rezultate ekselete si edhe është pjesë e stafit akademik të kolegjit konkretisht ” Hepl Desk Technician” në “Office of Information Technology”, sa të ngjashëm dhe të ndryshëm jeni nga njëri-tjetri?
Unë jam me fat që kam një vëlla si Xhon, kemi një marrëdhënie të shkëlqyer. Në fillimet e tij te gjithë e thërrisnit vëllai i Reit, ndërsa tani na thonë Pelushi brothers. Xhon është më shumë i fokusuar në fushën akademike megjithëse është partneri im në fushën e tenisit. Ne jemi shqiptarët e parë ne Missouri Valley College dhe e them modestish që do ngelemi në hhistorinë e kolegjit jo vetëm për ketë por për arritjet tona akademike, sportive dhe model i rinisë shqiptare./DiasporaShqiptare/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
