Ka qenë një pritje e gjatë ajo e Festim Thartorit, për të pasur në më fund në duar pasaportën italiane. Shumë vite punë, përpjekje, kontribute në sistemin italian e aktualisht pronar i një picere për të fituar më në fund shtetësinë e vendit që e priti 30 vite më parë si emigrant.
Ditën e sotme kryebashkiaku i Barit Antonio Decaro zhvilloi ceremoninë e betimit për shtetësinë italiane të dhënë nga Presidenti i Republikës, për Festim Thartori.
“Qytetaria dhëne Festimit është një shenjë e rëndësishme për qytetin tonë i cili këtë vit përkujton tridhjetë vjetorin e mbërritjes së anijes Vlora në Bari, me të cilën udhëtonte edhe Festimi, një i ri shqiptar, i cili vendosi të largohej për në Itali në kërkim të një të ardhmeje më të mirë. Jeta e tij sot është për ne, dhe për shumë qytetarë të tjerë që kanë jetuar ose përballen me të njëjtat përvoja të Festimit, një shembull integrimi që duhet ndjekur”, tha gjatë ceremonisë, Antonio Decaro.
Në ceremoni morën pjesë edhe përfaqësues të Prefekturës së Barit si dhe Konsullja e Përgjithshme e Republikës së Shqipërisë në Bari znj. Gentiana Mburimi.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
