Votimet e përgjithshme në Gjermani janë mbyllur dhe dy kandidatët kryesorë për Kancelar duket se janë barazim.

Sipas Exit Polleve të publikuara nga televizoni publik ZDF, qendra e majtë e Olaf Scholz dhe qendra e djathtë e Armin Laschet duket se janë diku me 25% të votave secila.

Megjithatë, rezultatet e para zyrtare pritet që të shpallen shumë shpejt, gjatë mbrëmjes ose mëngjesin e së hënës.

Pasi rezultati të bëhet publik, partitë politike do të nisin bisedimet për formimin e koalicioneve me qëllim krijimin e qeverisë së re.

Këto zgjedhje konsiderohen të rëndësishme jo vetëm për Gjermanin por edhe për Europën, për shkak se pas 16 vitesh Kancelarja Angela Merkel do të largohet nga detyra.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.