Balerinët e mirënjohur shqiptarë Kledi Kadiu dhe Anbeta Toromani, do të jenë së bashku në një event kërcimi. Ky projekt organizohet nga “UISP Komiteti Rajonal i Umbria-s APS” në qytetin e Romës, më datë 8 tetor 2021.
Kërcimtarët e talentuar, kanë ngritur karrierën e tyre artistike prej shumë vitesh në vendin fqinj, Itali.
Kledi Kadiu emigroi në Itali në 1997. NIsi të kërcente me Shoqërinë Filarmonike të Veronës. Ra shpejt në syrin e ekspertëve e kritikëve të artit që vlerësuan talentin, forcën dhe thjeshtësinë e tij, si në baletin klasik ashtu edhe atë modern. Në 1998 u bë protagonist dhe pjesë e programeve të ndryshme televizive si tek programi shoë Amiçi nga gazetarja e njohur Maria De Filipi në Media Set në Itali. Përveçse një karriere të rëndësishme si në teatër ashtu edhe në televizion, Kadiu ka marrë pjesë e ka koreografuar në shumë veprimtari të dëgjuara. Tashmë prej vitesh Kledi është balerini i parë i televizionit italian dhe gëzon simpatinë e miliona spektatorëve në Itali e në Shqipëri.
Anbeta Toromani në sezonin 2002-2003 ka marrë pjesë, duke arritur në finale në emisionin “Amici”, të drejtuar nga Maria de Filipi dhe zgjidhet nga regjisori Patrick Rossi Gastaldi për të kërcyer në vënien në skenë të “L’ Histoire du sondat” me Roço Papaleo. Që nga viti 2003 Anbeta është pjesë e kastit të programit “Amici” si balerinë e parë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
