Shqiptarët jashtë vendit nuk mundën të votojnë për zgjedhjet e 25 prillit por tashmë Komisioni Qendror i Zgjedhjeve ka më shumë hapësirë kohore që në zgjedhjet e ardhshme kjo e drejtë të bëhet e mundur.
Në faqen zyrtare të KQZ-së tashmë është krijuar një kënd i veçantë informacioni për Diasporën, ku do të shpjegohen hap pas hapi rregullat dhe procedurat që KQZ do të ndjek deri në realizmin e votimit nga jashtë vendit.
Kujtojmë se për të regjistruar vendibanimin jashtë vendit shqiptarët mund të aplikojnë në portalin e-albania.
Një nga rubrikat e përditësuara është edhe “Rregullat për votimin jashtë vendit” ku shpjegohen të drejtat që kanë qytetarët shqiptar me banim jashtë vendit:
Kodi Zgjedhor i Republikës së Shqipërisë garanton të drejtën e zgjedhësve shqiptarë që kanë vendbanimin e përhershëm jashtë territorit të Republikës së Shqipërisë të votojnë në zgjedhjet për kuvendin.
Kanë të drejtë të votojnë zgjedhësit që kanë vendbanimin e përhershëm jashtë territorit të Republikës së Shqipërisë, kanë të regjistruar në Regjistrin Kombëtar të Gjendjes Civile adresën e vendbanimit të përhershëm jashtë vendit dhe kërkojnë nga KQZ-ja që të pajisen me dokumentacionin e votimit nga jashtë.
KQZ, në konsultim edhe me përfaqësues të organizatave të diasporës është në procesin e hartimit të rregullave të detajuara për të mundësuar votimin e bashkatdhetarëve tanë në Diasporë.
Përsa i përket mënyrës së votimit, KQZ sqaron në faqen e saj se është në konsultim edhe me përfaqësues të organizatave të diasporës, është në procesin e hartimit të rregullave të detajuara për të mundësuar votimin e bashkëatdhetarëve tanë në diasporë.
Sakaq, në faqen e KQZ, në Këndin për Diasporën bëhet e ditur se lista e zgjedhësve që votojnë nga jashtë vendit ende nuk është krijuar. KQZ është në procesin e hartimit të rregullave për regjistrimin e zgjedhesve nga jashtë vendit.
Ky kënd do të përditësohet sapo të miratohen rregullat e regjistrimit të votuesve nga jashtë vendit për ti hapur rrugë kështu kësaj të drejtë kushtetuese.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.