Zvicra ka publikuar listën me 29 futbollistë për Kampionatin Evropian “Euro 2020”, ku në mesin e emrave janë 4 shqiptare, ku përfshihet edhe Andi Zeqiri.

Lajmi u publikua të mërkurën gjatë ditës, kur edhe u bë publike lista e përzgjedhësit të helvetikëve, Vladimir Petkovic.

Përzgjedhës Petkovic ka thënë se në listë do të mbesin 26 futbollistë, pasi tre do të largohen, pas ndeshjeve miqësore me SHBA-të dhe Haitin.

“Të gjithë 29 lojtarët e kanë mundësinë për ta përmbushur ëndrrën me paraqitje në Evropian. Por, paraqitja e mirë është kryesorja”.

“Më të mirët nga ky moment do të bëjnë gara për të qenë pjesë e Evropianit. Do të jenë 26 lojtarë që së bashku bëjnë një grup të fort. Disa lojtarë të rinj e kanë mundësinë për të marrë eksperiencë”, ka thënë Petkovic.

Nga 29 futbollistë janë katër portierë, 10 mbrojtës dhe 15 mesfushorë e sulmues, ndërsa befasi janë Andi Zeqiri dhe Dan Ndoye.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.