Koncerti “Vendi im” që bën bashkë Diasporën shqiptare në SHBA do të transmetohet më datë 26 shkurt. Një koncert tashmë i kthyer në traditë çdo muaj shkurt. Eventi muzikor do të transmetohet falas dhe të gjithë kanë mundësi ta ndjekin.

Aida Gashi, menaxhere e festivalit “Vendi im”, tregon për “Albanian Culture TV” arsyen pse u mendua se eventi duhet të zhvillohej pavarësisht pandemisë: Koncerti “Vendi im” ka nisur që në vitin 2018 dhe sivjet kemi menduar që ta zhvillojmë sërish, sepse njerëzit kanë nevojë për muzikë, për art. Ergin Oda, organizatori më telefonoj dhe më tha se edhe këtë vit koncerti do bëhet edhe pse virtualisht. Muzika në këtë koncert është 100 % shqiptare dhe ne si mërgatë kemi obligim të organizojmë evente të tilla. Koncerte shfaqet në 26 shkurt, në orën 21:00 me orën shqiptare dhe orën 15:00 në SHBA.

Joana Kaini “Është viti i dytë që unë marrë pjesë, sapo kisha ardhur në New York mora pjesë në eventin e parë, edhe këtë vit do të jem pjesë. Eksperienca është shumë e bukur, sepse ndihesh si në shtëpi, një ambient me artistë të gjithë shqiptarë. Mua në New York më duket vetja si në shtëpi, sepse ka shumë shqiptarë dhe mua më kanë ndihmuar dhe përkrahur shumë.”

“Shpresojmë që në fund të vitit të organizojmë një koncert për publikun dhe të këndojmë së bashku muzikë shqip”, shprehet menaxherja e festivalit Aida Gashi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.