Në vitin 1954 Ernest Koliqi realizoi një vizitë në komunitetin Arbëresh në Frasineto i ftuar nga profesor Giuseppe Ferrari. Në foto paraqitet një moment i ritualit arbëresh gjatë së martës së pashkës, i cili quhet “Tradita e Tintorëve (La tradizione dei Tintori). Gjatë së martës së pashkës një grup burrash të mbiquajtur “I Tintori”, shëtisin në fshat duke ndaluar njerëzit dhe duke i pyetur nëse mund të shqiptojnë frazën “tumac me qiqrra / tagliatelle e ceci”. Dhe në rast se personi i pyetur nuk arrin ta shqiptojë, tregon që nuk di arbërisht dhe penalizohet duke e qëlluar me tym të zi (blozë).