Normalizimi i marrëdhënieve mes Izraelit dhe Sudanit u shënua përmes një nisme të quajtur “Gara e Paqes”, ku 400 shahistë nga të dy vendet u takuan në platformën virtuale për të garuar në një lojë shahu.

Mes tyre ishte dhe shahistja shqiptaro-izraelite me banim në Izrael, Irena Stein-Steinova.

“Në jetën time shahistike kam refuzuar të luaj blitz në tavolinë dhe jo më në kompjuter. Këtë rradhë vendosa të marrë pjesë në këtë garë paqësore. Nga 9 ndeshje fitova 5 dhe humba 4. Nga 4 lojë të humbura, 2 i humba për shkak të kohës.

Loja u zhvillua në uebin Li Chess. Gjatë lojës lojtarët ishin në Zoom dhe luanin në Li Chess. Kishte arbitra që shikonin lëvizjet e dyshuara dhe ishte e ndaluar të përdorej sfond, kështu mbikqyrej mirë. Po kishte levizje të dyshimtë ose ndonje hije që levizte, eliminoheshe. Arbitra kishte nga të dy palet. Emocione dhe stres”, tha Irena Stein-Steinova për gazetën “Izraeli Sot”.

*Ndalohet kopjimi, riprodhimi dhe publikimi i materialit pa cituar burimin “Diaspora Shqiptare”