Ambasada e Republikës së Shqipërisë në Athinëka njoftuar në faqen zyrtare se kanë mbërritur Pasaportat dhe Kartat ID për të cilat është aplikuar deri më datë 28 Gusht 2020.Gjithashtu ambasada kujton shtetasit shqiptarë se dokumentat mund ti tërheqin duke u paraqitur personalisht pranë sportelit të shërbimit ose duke autorizuar një person të tretë përmes deklaratës me përgjegjësi vulosur në KEP (Qëndra e Shërbimit të Qytetarëve).
Njoftimi i plotë:
Të nderuar bashkëatdhetarë,
Ambasada e Republikës së Shqipërisë në Athinë ju njofton se kanë mbërritur Pasaportat dhe Kartat e Identitetit për aplikimet e kryera deri në datën 28 gusht 2020.
Sqarojmë se kryerja e tërheqjes së dokumenteve biometrikë mund të bëhet:
– Nëpërmjet paraqitjes personalisht në sportelin e shpërndarjes e
cila kryhet pranë Hyrjes Nr. 1 të Ambasadës, nga dita e hënë deri
të premten, ora 08:00-18:00.
– Nëpërmjet autorizimit të një personi të tretë, përmes deklaratës me përgjegjësi vulosur në KEP (Qëndra e Shërbimit të Qytetarëve).
Sjellim në vëmendjen tuaj se tërheqja e kartës së identitetit kërkon paraqitjen fizike të qytetarit pranë sportelit të shpërndarjes.
Faleminderit.
