Në Zyrih një tjetër shkollë e gjuhës shqipe ka hapur dyert për të pritur fëmijët e komunitetit shqiptar të cilët do të mësojnë gjuhën e origjinës.
“Shqiponjat” i bashkëngjiten mësimit në gjuhën amtare në Shkollën Shqipe në Regensdorf të Zyrih-ut: Genti, Arvaniti, Janina, Besforti, Dilara, Anesa, Lorina, Lorisi, Sara, Anesa,Erina dhe Majlinda, nxënës të grupit të parë kanë arsye të buzëqeshin. Të tjerët do të prezantohen në ditët në vijim” thuhet në njoftim.
Mësuesi Vaxhid Sejdiu shpjegon për “Diaspora Shqiptare” se aktualisht në këtë shkollë do të nisin mësimin dy grupe me rreth 15 nxënës secili.
“Mësimi i gjuhës shqipe do të zhvillohet çdo të premte, një grup në orarin 15:30 me 17:00 dhe grupi i dytë 17:00 deri 18:30” sqaron mësuesi.
Sejdiu shton se shumë shpejt në këtë shkollë do të hapet dhe një grup i tretë. Ndërkohë që po punohet për hapjen klasave të tjera të mësimit të gjuhës shqipe, për të cilat prindërit do të njoftohen në ditët në vijim. Ai sqaron se të gjitha orët e mësimit do të zhvillohen duke respektuar masat mbrojtëse të përcaktuara për parandalimin e pandemisë COVID 19.
Ndërsa mësimi për këtë vit akademik do të zhvillohet me tekstet e dërguara falas nga QBD, sipas kurikulës se përbashkët Shqipëri-Kosovë.
Shkolla e gjuhës shqipe në Regensdorf u hap me mbështetjen e Ambasadës së Republikës së Shqipërisë shkollë kjo e cila iu bashkëngjitet dhjetëra shkollave të tjera të gjuhës shqipe në mbarë Zvicrën, të cilat përbëjnë rrjetin e Shkollave shqipe në Zvicër si shkolla shqipe në Uster, në Volketsëil, në Rüti, në Fehraltorf, në Schëerzenbach, në Glattbrugg, në Dietlikon, në Brütisellen, në Kloten, në Hori, në Bachenbüllach, në Zürich – Kappeli, në Zürich – Grünau, në Zollikon, në Männedorf, në Adlisëil, në Effretikon, në Meilen, në Oetëil am See, në Stäfa, në Ëald, në Zürich – Affoltern, në Seebach, në Schëamendigen, në Fällanden, në Thurbenthal, në Egg, në Zumikon, në Herliberg, në Geroldesëil, në Ëädensëil, në Uitikon, në Dübendorf, në Maur, në Emmen, në Kriens, në Emmenbrücke, në Schafhausen, në Bern, në Basel, në Lozanë, në Vevey etj.
Për të gjithë ata, të cilët janë të interesuar që fëmijët e tyre t`i dërgojnë në orët mësimore të gjuhës shqipe, mësuesit i ftojnë që regjistrimin ta bëjnë sa më herët sepse tani bëhet edhe ndarja në grupe. Mësimi zhvillohet në shkollën Ruggenacher 3, Feldblumenstrasse 71, 8105 Regensdorf.
*Ndalohet kopjimi, riprodhimi dhe publikimi i intervistës pa cituar burimin “Diaspora Shqiptare”.
