Ambasadorja amerikane në Shqipëri, Yuri Kim ka zhvilluar një takim me bordin e drejtuesve të Dhomës Amerikane të Tregtisë dhe drejtuesit ekzekutivë të kompanive anëtare. Nga ky takim rezultoi se bizneset po punojnë për të ndihmuar komunitetin, për t’i mbajtur njerëzit të punësuar dhe për të këshilluar se si mund të ndihmohet sa më mirë komuniteti i biznesit.

“Në këto kohë të vështira shihet nevoja që bizensi të rimëkëmbet. Disa biznese kanë nevojë për ndihmë dhe disa të tjerë që kanë mundësi po ndihmojnë komunitetin. Nga situata që ka sjellë pandemia është mirë të shohësh komunitetin e biznesit të hedhë një hap përpara për të ndihmuar aty ku ka nevojë” shkruhet në postimin e ambasadores në facebook. 

Nga njoftimi zyrtar në faqen e Ambasadës Amerikane në Shqipëri shihet se takimi është bërë virtualisht, mënyrë shumë e përhapur kohët e fundit për sigurinë e gjithësecilit.