Kryetari i Këshillit Koordinues të Diasporës Mark Gjonaj në bashkëpunim me dy organizatat humanitare “Albanian American -Open Hand Association In.c” e “Muslims for Humanity” kanë shpërndarë ndihma për komunitetin e Districtit 13, në Bronx ku jeton një pjesë e komunitetit shqiptar si dhe komunitete të tjera.

Gjonaj anëtar i Këshillit Bashkiak të Qytetit të Nju Jorkut së bashku me vullnetarët shpërndanë një sasi të konsiderueshme ushqimesh.

Mark Gjonaj në emër të organizatave dhe organizatorëve shprehu kënaqësinë e tij që ka rastin dhe mundësinë të ndihmojë familjet me nevojë në këto ditë të luftës me pandeminë COVID-19 dhe deklaroi se ai dhe Bashkia e Nju Jorkut do të jenë gjithmonë pranë komunitetit jo vetëm të Districtit 13 por pranë gjithë banorëve të Nju Jorkut, sidomos ndaj atyre familjarëve që kanë humbur punën dhe po përballen me pasojat e pandemisë.

“Të bashkuar do t’ia dalim” tha Gjonaj para dhjetra familjarëve të cilët po prisnin në radhë për të marrë ushqimet.