Leo Hoda, pronari i picerisë ‘Bella Roma’ në Londër ka shpërndarë pica falas për mjekët e spitalit në zonën ku ai jeton, një gjest që e ka përshëndetur edhe BBC.

Ai është shprehur se në fillim e ka mbyllur restorantin, por pastaj ka vendosur ta hapë përsëri dhe tani do të vazhdojë të bëjë pica për mjekët çdo ditë e në vazhdim.

“Tani në këtë kohë të vështirë ne shqipëtarët e kemi traditë të ndihmojmë të tjerët. Këtu tek piceria unë punoj bashkë me familjen dhe mundohemi që çdo gjë të dali perfekt. Nga komunikimi që kam pasur me mjekët e spitalit unë u kam ofruar ndihmën time kur të dëshironin ata dhe më thanë që tju çoj pica tre herë në javë”, shprehet Hoda.

Gjithashtu Leo thekson se ndjen kënaqësi të madhe kur ndihmon mjekët që janë në vijën e parë kundër koronavirusit sepse ata punojnë për të shpëtuar sa më shumë njerëz.

Burimi origjinal, këtu: