Kurti:Serbia vazhdon përpjekjet për destabilizim, shqetësim për situatën në Gaza

E martë, 17 Nëntor, 2026
E martë, 17 Nëntor, 2026

Kurti:Serbia vazhdon përpjekjet për destabilizim, shqetësim për situatën në Gaza

Kryeministri në detyrë i Kosovës, Albin Kurti, deklaroi se Serbia po vazhdon me përpjekjet për destabilizimin e vendit, por institucionet e inteligjencës dhe sigurisë po i kundërvihen me sukses këtyre sfidave. Ai foli për arrestimin e togerit të Policisë së Kosovës, Bojan Jevtiç, të dyshuar për spiunazh, si dhe të Igor Popoviç, ndihmësdrejtor në “Zyrën për Kosovë” në Qeverinë e Serbisë, i akuzuar për nxitje të përçarjes dhe tensioneve ndëretnike.

Kurti theksoi se për Popoviç janë siguruar dëshmi për lidhjet e tij me Agjencinë për Siguri dhe Informim të Serbisë (BIA), përfshirë incizimin ilegal të takimeve në Bruksel më 17 shtator 2020 në kuadër të dialogut Kosovë-Serbi, përpjekje për sabotim të drejtësisë dhe aktivitete që cenojnë sigurinë kombëtare të Kosovës. Ai e përshkroi këtë incizim si një formë të re dhe jashtëzakonisht destruktive të ndërhyrjes serbe në proceset e ndërmjetësuara nga Bashkimi Evropian.

Në mbledhjen e kabinetit qeveritar, Kurti shprehu edhe shqetësimin për situatën në Gaza, duke dënuar sulmet që shkaktojnë viktima tek civilët, veçanërisht tek fëmijët. Ai bëri të ditur se Qeveria e Kosovës ka ndarë gjysmë milionë euro si ndihmë për popullin palestinez dhe mbështet përpjekjet për një armëpushim të menjëhershëm mes palëve.

Në përfundim të mbledhjes, u morën vendime për emërime dhe pezullime në disa pozita brenda agjencive të varura nga ekzekutivi në detyrë.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Kryeministri në detyrë i Kosovës, Albin Kurti, deklaroi se Serbia po vazhdon me përpjekjet për destabilizimin e vendit, por institucionet e inteligjencës dhe sigurisë po i kundërvihen me sukses këtyre sfidave. Ai foli për arrestimin e togerit të Policisë së Kosovës, Bojan Jevtiç, të dyshuar për spiunazh, si dhe të Igor Popoviç, ndihmësdrejtor në “Zyrën për Kosovë” në Qeverinë e Serbisë, i akuzuar për nxitje të përçarjes dhe tensioneve ndëretnike.

Kurti theksoi se për Popoviç janë siguruar dëshmi për lidhjet e tij me Agjencinë për Siguri dhe Informim të Serbisë (BIA), përfshirë incizimin ilegal të takimeve në Bruksel më 17 shtator 2020 në kuadër të dialogut Kosovë-Serbi, përpjekje për sabotim të drejtësisë dhe aktivitete që cenojnë sigurinë kombëtare të Kosovës. Ai e përshkroi këtë incizim si një formë të re dhe jashtëzakonisht destruktive të ndërhyrjes serbe në proceset e ndërmjetësuara nga Bashkimi Evropian.

Në mbledhjen e kabinetit qeveritar, Kurti shprehu edhe shqetësimin për situatën në Gaza, duke dënuar sulmet që shkaktojnë viktima tek civilët, veçanërisht tek fëmijët. Ai bëri të ditur se Qeveria e Kosovës ka ndarë gjysmë milionë euro si ndihmë për popullin palestinez dhe mbështet përpjekjet për një armëpushim të menjëhershëm mes palëve.

Në përfundim të mbledhjes, u morën vendime për emërime dhe pezullime në disa pozita brenda agjencive të varura nga ekzekutivi në detyrë.