Dështimi i 51-të për konstituimin e Kuvendit të Kosovës, tensione në seancë

E martë, 17 Nëntor, 2026
E martë, 17 Nëntor, 2026

Dështimi i 51-të për konstituimin e Kuvendit të Kosovës, tensione në seancë

Tentativa e 51-të për konstituimin e Kuvendit të Kosovës ka përfunduar pa sukses, duke thelluar ngërçin institucional që po zvarritet prej muajsh. Seanca e sotme u ndërpre përpara se të hidhej në votim çështja e konstituimit, për shkak të një përplasjeje të ashpër mes kryesuesit të seancës, Avni Dehari, dhe deputetes së PDK-së, Ganimete Musliu.

Gjatë fjalës së saj, Musliu u ndërpre nga Dehari, i cili kërkoi ndërhyrjen e regjisë për t’i ndërprerë mikrofonin, duke u thirrur në rregulloren e Kuvendit që nuk lejon debat në këtë fazë të procesit. Musliu reagoi menjëherë, duke ia marrë mikrofonin Deharit dhe duke këmbëngulur që të mos i ndërpritej fjala.

Përplasja verbale detyroi Deharin të mbyllë seancën, duke deklaruar se “nuk ka kushte për vazhdim”. Ai bëri të ditur se seanca e radhës do të mbahet të premten, në orën 11:00.

Ndërkohë, në sfondin e kësaj krize, Presidentja e Kosovës, Vjosa Osmani, i është drejtuar Gjykatës Kushtetuese për të kërkuar interpretim rreth pasojave ligjore nëse Kuvendi i ri nuk arrin të konstituohet brenda afatit 30-ditor, i cili skadon pas tri ditësh. Sipas Kushtetutës, tejkalimi i këtij afati mund të sjellë implikime serioze për vazhdimin e procesit demokratik në vend.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Tentativa e 51-të për konstituimin e Kuvendit të Kosovës ka përfunduar pa sukses, duke thelluar ngërçin institucional që po zvarritet prej muajsh. Seanca e sotme u ndërpre përpara se të hidhej në votim çështja e konstituimit, për shkak të një përplasjeje të ashpër mes kryesuesit të seancës, Avni Dehari, dhe deputetes së PDK-së, Ganimete Musliu.

Gjatë fjalës së saj, Musliu u ndërpre nga Dehari, i cili kërkoi ndërhyrjen e regjisë për t’i ndërprerë mikrofonin, duke u thirrur në rregulloren e Kuvendit që nuk lejon debat në këtë fazë të procesit. Musliu reagoi menjëherë, duke ia marrë mikrofonin Deharit dhe duke këmbëngulur që të mos i ndërpritej fjala.

Përplasja verbale detyroi Deharin të mbyllë seancën, duke deklaruar se “nuk ka kushte për vazhdim”. Ai bëri të ditur se seanca e radhës do të mbahet të premten, në orën 11:00.

Ndërkohë, në sfondin e kësaj krize, Presidentja e Kosovës, Vjosa Osmani, i është drejtuar Gjykatës Kushtetuese për të kërkuar interpretim rreth pasojave ligjore nëse Kuvendi i ri nuk arrin të konstituohet brenda afatit 30-ditor, i cili skadon pas tri ditësh. Sipas Kushtetutës, tejkalimi i këtij afati mund të sjellë implikime serioze për vazhdimin e procesit demokratik në vend.