Seanca për rastin “Banjska” ndërpritet për mungesë të dëshmitarit anonim A2

E martë, 17 Nëntor, 2026
E martë, 17 Nëntor, 2026

Seanca për rastin “Banjska” ndërpritet për mungesë të dëshmitarit anonim A2

Seanca gjyqësore për rastin “Banjska” është ndërprerë sot për shkak të mungesës së dëshmitarit anonim të Prokurorisë Speciale të Kosovës, i njohur si “A2”. Kryetari i trupit gjykues, gjyqtari Arben Hoti, deklaroi se nuk kishte kushte për të vazhduar shqyrtimin gjyqësor dhe se seanca do të rinisë të hënën në orën 09:30 me dëshmitarin tjetër anonim.

“Konstatoj se në mungesë të dëshmitarit nuk ka kushte për vazhdimin e shqyrtimit gjyqësor. Andaj, gjykata merr vendim që seanca ndërpritet,” tha gjyqtari Hoti.

Të akuzuarit Bllagoje Spasojeviq, Vladimir Toliq dhe Dushan Maksimoviq u sollën në gjykatë nën masa të shtuara sigurie. Deri tani, në këtë proces janë dhënë disa dëshmi nga zyrtarë policorë në lidhje me sulmin e 24 shtatorit 2023 në Banjska të Zveçanit, ku mbeti i vrarë rreshteri i policisë së Kosovës, Afrim Bunjaku.

Prokuroria Speciale e Kosovës ka ngritur aktakuzë më 11 shtator 2024 ndaj Milan Radoiçiq dhe 44 të tjerëve për veprat penale që lidhen me sulmin terrorist, përfshirë kryerjen e veprës terroriste, veprat e rënda kundër rendit kushtetues dhe sigurisë së Republikës së Kosovës, lehtësimin dhe financimin e terrorizmit, si dhe shpëlarjen e parave.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Seanca gjyqësore për rastin “Banjska” është ndërprerë sot për shkak të mungesës së dëshmitarit anonim të Prokurorisë Speciale të Kosovës, i njohur si “A2”. Kryetari i trupit gjykues, gjyqtari Arben Hoti, deklaroi se nuk kishte kushte për të vazhduar shqyrtimin gjyqësor dhe se seanca do të rinisë të hënën në orën 09:30 me dëshmitarin tjetër anonim.

“Konstatoj se në mungesë të dëshmitarit nuk ka kushte për vazhdimin e shqyrtimit gjyqësor. Andaj, gjykata merr vendim që seanca ndërpritet,” tha gjyqtari Hoti.

Të akuzuarit Bllagoje Spasojeviq, Vladimir Toliq dhe Dushan Maksimoviq u sollën në gjykatë nën masa të shtuara sigurie. Deri tani, në këtë proces janë dhënë disa dëshmi nga zyrtarë policorë në lidhje me sulmin e 24 shtatorit 2023 në Banjska të Zveçanit, ku mbeti i vrarë rreshteri i policisë së Kosovës, Afrim Bunjaku.

Prokuroria Speciale e Kosovës ka ngritur aktakuzë më 11 shtator 2024 ndaj Milan Radoiçiq dhe 44 të tjerëve për veprat penale që lidhen me sulmin terrorist, përfshirë kryerjen e veprës terroriste, veprat e rënda kundër rendit kushtetues dhe sigurisë së Republikës së Kosovës, lehtësimin dhe financimin e terrorizmit, si dhe shpëlarjen e parave.