Në kuadër të 20 qershorit, Ditës Botërore të Refugjateve, Lidhja e Gruas Shqiptare ne Greqi në bashkëpunim me Forumin Grek të Emigrantëve, organizoi vizitë në kampin e refugjatëve në Eleona, Athinë. Duke përfaqësuar komunitetin shqiptar, këtë herë vëmendja jonë iu dedikua rreth 1000 fëmijëve që jetojnë në këtë kamp në kushte të vështira.

Gjatë vizitës u ofrua një sasi e konsiderueshme lodrash, veshmbathjesh për fëmije, pelenash, barnash, ushqimesh me skadencë të largët etj.

“U larguam nga kampi me dëshirën dhe urimin e madh, që njerëzit që ndodhen aty t’i kthehen sa më shpejt normalitetit dhe të gëzojnë një jetë të gjatë e dinjitoze.

Falënderojmë përzemërsisht të gjitha mikeshat dhe miqtë tanë që bënë të mundur realizimin e kësaj nisme dhe konkretisht: Sofin, Bareshën, Kushen,Dritën, Elidën, Elonën, Valentinën, Vilmën, Agapin, Dolorezën, Indurance Siguracioni i Shqiptarëve në Greqi, Αλληλεγγύη για όλους, Kafe Veloce, Rovenën, Dhimitrën dhe z. Niko Curri për ndihmën që na ofroi për të transportuar ndihmat.

Veçanërisht falënderojmë Forumin Grek të Emigrantëve për bashkëpunimin e frytshëm, duke treguar kështu që kur komunitetet veprojnë së bashku, bëhemi më të fortë e më efikasë.

Me ndihmën dhe përkrahjen e të gjithë juve, Lidhja e Gruas Shqiptare në Greqi vazhdon aktivitetin e saj nl mënyrë intensive”, shkruhet në faqen zyrtare të LGSHG.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.