Richard Grenell, një aleat i ngushtë i presidentit amerikan Donald Trump, dhe ish i dërguar special në Kosovë ka regjistruar dështimin e radhës me shkarkimin nga pozicioni i tij si kreu i Kennedy Center pas një viti të trazuar në këtë institucion të njohur të artit skenik.
Ishte Presidenti Trump i cili njoftoi në një postim në platformën Truth Social se Grenell do të zëvendësohet nga Matt Floca, nënkryetar i qendrës për operacionet dhe menaxhimin e infrastrukturës.
Grenell, ish-ambasador i SHBA-së në Gjermani, ndërmori ndryshime të gjera në qendër, të cilat u pasuan nga largime të shumta të artistëve dhe rënie e ndjeshme e shitjes së biletave.
Trump e emëroi të qendrës në shkurt 2025, pas rikthimit në Shtëpinë e Bardhë.
“Ric Grenell ka bërë një punë të shkëlqyer duke koordinuar elemente të ndryshme të qendrës gjatë periudhës së tranzicionit, dhe dua ta falënderoj për punën e jashtëzakonshme që ka bërë,” shkroi Trump.
Presidenti shtoi se pasardhësi i Grenell, Floca, kishte “ndihmuar në arritjen e progresit të jashtëzakonshëm për të çuar Qendrën në nivelin më të lartë të Ekselencës!”
Sipas profilit të tij në LinkedIn, Floca iu bashkua Kennedy Center në janar 2024, nën administratën Biden, dhe ka përvojë në menaxhimin e objekteve dhe ndërtimin, sipas një deklarate të qendrës.
Pasi të konfirmohet nga bordi i drejtorëve, Floca do të mbikëqyrë projektin e madh të rinovimit, i cili fillon në korrik.
Trump ka kritikuar gjendjen fizike të qendrës dhe ka siguruar mbi 250 milionë dollarë për rindërtimin e saj, një nga shumë projektet e rinovimit që ai ka marrë përsipër gjatë mandatit të tij të dytë.
“THE TRUMP KENNEDY CENTER, në përfundim, do të jetë objekti më i mirë i këtij lloji kudo në botë!” shkroi Trump në të njëjtin postim, duke njoftuar edhe emërimin e Floca-s.
Pak pas marrjes së detyrës për mandatin e tij të dytë, presidenti shkarkoi disa anëtarë të bordit të qendrës dhe i zëvendësoi me aleatë të tij, të cilët më pas votuan për ta bërë Trump kryetar.
Bordi i ri e ribotoi institucionin si Donald J. Trump and the John F. Kennedy Memorial Center for the Performing Arts në dhjetor, dhe ditën pasardhëse u vendosën shenjat e reja në fasadën e ndërtesës.
Disa ligjvënës amerikanë dhe ekspertë ligjorë argumentojnë se, duke qenë se qendra është emëruar me ligj në vitin 1964, Kongresi duhet të ketë fjalën për çdo ndryshim emri.
Trump gjithashtu kritikoi programet e mëparshme të qendrës si shumë “woke”, dhe nën drejtimin e tij disa akte muzikore anuluan performancat, përfshirë kastin e Hamilton, kompozitorin e Wicked, Steven Schwartz, dhe grupin Doug Varone and the Dancers.



