Humb jetën tragjikisht në Itali 32-vjeçari shqiptar Leonard Fjora

E martë, 17 Nëntor, 2026
E martë, 17 Nëntor, 2026

Humb jetën tragjikisht në Itali 32-vjeçari shqiptar Leonard Fjora

Një aksident i rëndë rrugor i ka marrë jetën 32-vjeçarit shqiptar Leonard Fjora në Itali, katër ditë më parë, në autostradën Porrettana në zonën e Bolonjës.

I riu po drejtonte një automjet tip “Volkswagen” në momentin kur, sipas hetimeve paraprake, ka kaluar në korsinë e kundërt dhe është përplasur kokë më kokë me një kamion plehrash. Përplasja ka qenë jashtëzakonisht e fortë, ndërsa mjeti i tij është përfshirë menjëherë nga flakët, duke mos i lënë asnjë mundësi shpëtimi.

Sipas policisë, një nga shkaqet kryesore të aksidentit dyshohet të ketë qenë moti i keq dhe prania e akullit në rrugë, çka e kishte bërë asfaltin tejet të rrëshqitshëm. Dalja nga korsia mendohet të ketë ndodhur edhe për shkak të kushteve të vështira të terrenit.

Pas përplasjes me kamionin, automjeti i 32-vjeçarit u përplas edhe me kangjellat mbrojtëse të rrugës. Goditja ishte aq e fuqishme sa makina u nda në dy pjesë dhe më pas shpërtheu në flakë.

Në vendngjarje ndërhynë menjëherë zjarrfikësit, shërbimet mjekësore dhe policia, por gjithçka ishte e kotë. Trupi i të riut u gjet i karbonizuar. Sipas dyshimeve, Fjora mund të ketë humbur ndjenjat që në momentin e përplasjes, duke mos pasur mundësi të dalë nga mjeti para se ai të përfshihej nga flakët.

Leonard Fjora jetonte në Marzabotto dhe në momentin e aksidentit po udhëtonte drejt Lama di Reno. Procesi i identifikimit të tij zgjati për shkak të gjendjes së rëndë të trupit.

Ndërkohë, drejtuesi 61-vjeçar i kamionit mbeti pothuajse i padëmtuar, por në gjendje shoku. Ai u trajtua në vendngjarje nga ekipet mjekësore.

Autoritetet italiane vijojnë hetimet për të zbardhur plotësisht rrethanat e aksidentit tragjik.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Një aksident i rëndë rrugor i ka marrë jetën 32-vjeçarit shqiptar Leonard Fjora në Itali, katër ditë më parë, në autostradën Porrettana në zonën e Bolonjës.

I riu po drejtonte një automjet tip “Volkswagen” në momentin kur, sipas hetimeve paraprake, ka kaluar në korsinë e kundërt dhe është përplasur kokë më kokë me një kamion plehrash. Përplasja ka qenë jashtëzakonisht e fortë, ndërsa mjeti i tij është përfshirë menjëherë nga flakët, duke mos i lënë asnjë mundësi shpëtimi.

Sipas policisë, një nga shkaqet kryesore të aksidentit dyshohet të ketë qenë moti i keq dhe prania e akullit në rrugë, çka e kishte bërë asfaltin tejet të rrëshqitshëm. Dalja nga korsia mendohet të ketë ndodhur edhe për shkak të kushteve të vështira të terrenit.

Pas përplasjes me kamionin, automjeti i 32-vjeçarit u përplas edhe me kangjellat mbrojtëse të rrugës. Goditja ishte aq e fuqishme sa makina u nda në dy pjesë dhe më pas shpërtheu në flakë.

Në vendngjarje ndërhynë menjëherë zjarrfikësit, shërbimet mjekësore dhe policia, por gjithçka ishte e kotë. Trupi i të riut u gjet i karbonizuar. Sipas dyshimeve, Fjora mund të ketë humbur ndjenjat që në momentin e përplasjes, duke mos pasur mundësi të dalë nga mjeti para se ai të përfshihej nga flakët.

Leonard Fjora jetonte në Marzabotto dhe në momentin e aksidentit po udhëtonte drejt Lama di Reno. Procesi i identifikimit të tij zgjati për shkak të gjendjes së rëndë të trupit.

Ndërkohë, drejtuesi 61-vjeçar i kamionit mbeti pothuajse i padëmtuar, por në gjendje shoku. Ai u trajtua në vendngjarje nga ekipet mjekësore.

Autoritetet italiane vijojnë hetimet për të zbardhur plotësisht rrethanat e aksidentit tragjik.