Ndahet nga jeta komentatori sportiv Ismet Bellova

E martë, 17 Nëntor, 2026
E martë, 17 Nëntor, 2026

Ndahet nga jeta komentatori sportiv Ismet Bellova

Ismet Bellova, komentatori legjendar i Radio Tiranës dhe një prej zërave më të njohur të transmetimeve sportive në Shqipëri, u nda nga jeta në moshën 91-vjeçare.

Me një karrierë të gjatë prej disa dekadash, Bellova u bë simbol i komentimit sportiv, duke shoqëruar breza të tërë dëgjuesish me zërin e tij karakteristik dhe emocionues. Për shumë shqiptarë, ai ishte zëri që i bëri ndeshjet të paharrueshme dhe sportin një përjetim të veçantë emocional e kombëtar.

Ismet Bellova lindi në Tiranë më 1 qershor 1934. Studimet e larta i përfundoi në Institutin e Lartë të Kulturës Fizike “Vojo Kushi” në vitin 1960. Krahas angazhimit si mësues i edukimit fizik, ai iu përkushtua me seriozitet dhe dashuri gazetarisë sportive, duke ndërtuar një profil të respektuar në median shqiptare. Ai ishte i martuar me Mjeshtren e Merituar të Sportit, Bukuroshe Shtiza.

Aktiviteti i tij sportiv nisi herët. Në vitin 1948 u shpall kampion i Shqipërisë për të rinj në pingpong, ndërsa në vitin 1950 hyri në histori si komentator sportiv, duke transmetuar finalen e Kupës së Shqipërisë Dinamo–Partizani, ndeshje që shënoi fillimin e një rruge të gjatë në Radio Tirana.

Për kontributin e tij të jashtëzakonshëm në sport, arsim dhe media, Bellova u vlerësua me një sërë titujsh dhe dekoratash të larta shtetërore dhe sportive, mes tyre “Mësues i Popullit”, Urdhrin “Naim Frashëri”, “Nderi i Sportit Shqiptar”, “Urdhri Olimpik”, “Mirënjohja e Tiranës” dhe titullin “Kalorësi i Urdhërit të Flamurit”.

Gjatë jetës së tij u nderua gjithashtu me çmime të shumta profesionale. Në vitin 2004 u themelua Çmimi “Ismet Bellova” në gazetarinë sportive, ndërsa ai vetë u vlerësua me Çmimin e Karrierës në TVSH, Çmimin “Anton Mazreku” (dy herë) dhe Mikrofonin e Artë.

 

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Ismet Bellova, komentatori legjendar i Radio Tiranës dhe një prej zërave më të njohur të transmetimeve sportive në Shqipëri, u nda nga jeta në moshën 91-vjeçare.

Me një karrierë të gjatë prej disa dekadash, Bellova u bë simbol i komentimit sportiv, duke shoqëruar breza të tërë dëgjuesish me zërin e tij karakteristik dhe emocionues. Për shumë shqiptarë, ai ishte zëri që i bëri ndeshjet të paharrueshme dhe sportin një përjetim të veçantë emocional e kombëtar.

Ismet Bellova lindi në Tiranë më 1 qershor 1934. Studimet e larta i përfundoi në Institutin e Lartë të Kulturës Fizike “Vojo Kushi” në vitin 1960. Krahas angazhimit si mësues i edukimit fizik, ai iu përkushtua me seriozitet dhe dashuri gazetarisë sportive, duke ndërtuar një profil të respektuar në median shqiptare. Ai ishte i martuar me Mjeshtren e Merituar të Sportit, Bukuroshe Shtiza.

Aktiviteti i tij sportiv nisi herët. Në vitin 1948 u shpall kampion i Shqipërisë për të rinj në pingpong, ndërsa në vitin 1950 hyri në histori si komentator sportiv, duke transmetuar finalen e Kupës së Shqipërisë Dinamo–Partizani, ndeshje që shënoi fillimin e një rruge të gjatë në Radio Tirana.

Për kontributin e tij të jashtëzakonshëm në sport, arsim dhe media, Bellova u vlerësua me një sërë titujsh dhe dekoratash të larta shtetërore dhe sportive, mes tyre “Mësues i Popullit”, Urdhrin “Naim Frashëri”, “Nderi i Sportit Shqiptar”, “Urdhri Olimpik”, “Mirënjohja e Tiranës” dhe titullin “Kalorësi i Urdhërit të Flamurit”.

Gjatë jetës së tij u nderua gjithashtu me çmime të shumta profesionale. Në vitin 2004 u themelua Çmimi “Ismet Bellova” në gazetarinë sportive, ndërsa ai vetë u vlerësua me Çmimin e Karrierës në TVSH, Çmimin “Anton Mazreku” (dy herë) dhe Mikrofonin e Artë.