Nënkryetarja e Kuvendit të Kosovës dhe e Partisë Demokratike të Kosovës, Vlora Çitaku, ka reaguar ndaj nënkryetares së parë të Kuvendit, Albulena Haxhiu, duke theksuar se Lista Serbe nuk ka asnjë mundësi për t’i shantazhuar, pasi sipas saj, nuk janë bërë kurrë marrëveshje të fshehta me ta.
Në një postim në Facebook, Çitaku shkruan:
“Albulenë, Lista Serbe nuk ka si të na shantazhojë, sepse ne nuk kemi bërë kurrë marrëveshje të fshehta e të ndyra me ta, as kundër veteranëve, as pazare të dështuara për gjyqtarë të Gjykatës Kushtetuese. Qëndrimi ynë është parimor, në mbrojtje të rendit kushtetues, të cilin ju e sfidoni pa fund. Ju mund të provoni ta relativizoni të vërtetën, por nuk mund ta fshini.”
Ajo ka shtuar se: “Jeni ju që keni lidhur paktet e turpit dhe keni rrënuar besimin e qytetarëve në institucionet e shtetit. Në mungesë të shumicës për të ndërtuar qeverinë, po bëni taktizime fëminore.”
Kjo reagim vjen pas deklaratës së Albulena Haxhiut në një televizion të vendit, ku ajo sugjeroi se Lista Serbe mund të ketë informacione për deputetë të partive të tjera dhe se kjo është arsyeja që ish-opozita nuk ka reaguar publikisht kundër saj.
Qëndrimi i Çitakut përforcon distancimin e PD-së nga çdo marrëveshje me Listën Serbe dhe nënvizon mbrojtjen e rendit kushtetues në proceset parlamentare të Kosovës.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Nënkryetarja e Kuvendit të Kosovës dhe e Partisë Demokratike të Kosovës, Vlora Çitaku, ka reaguar ndaj nënkryetares së parë të Kuvendit, Albulena Haxhiu, duke theksuar se Lista Serbe nuk ka asnjë mundësi për t’i shantazhuar, pasi sipas saj, nuk janë bërë kurrë marrëveshje të fshehta me ta.
Në një postim në Facebook, Çitaku shkruan:
“Albulenë, Lista Serbe nuk ka si të na shantazhojë, sepse ne nuk kemi bërë kurrë marrëveshje të fshehta e të ndyra me ta, as kundër veteranëve, as pazare të dështuara për gjyqtarë të Gjykatës Kushtetuese. Qëndrimi ynë është parimor, në mbrojtje të rendit kushtetues, të cilin ju e sfidoni pa fund. Ju mund të provoni ta relativizoni të vërtetën, por nuk mund ta fshini.”
Ajo ka shtuar se: “Jeni ju që keni lidhur paktet e turpit dhe keni rrënuar besimin e qytetarëve në institucionet e shtetit. Në mungesë të shumicës për të ndërtuar qeverinë, po bëni taktizime fëminore.”
Kjo reagim vjen pas deklaratës së Albulena Haxhiut në një televizion të vendit, ku ajo sugjeroi se Lista Serbe mund të ketë informacione për deputetë të partive të tjera dhe se kjo është arsyeja që ish-opozita nuk ka reaguar publikisht kundër saj.
Qëndrimi i Çitakut përforcon distancimin e PD-së nga çdo marrëveshje me Listën Serbe dhe nënvizon mbrojtjen e rendit kushtetues në proceset parlamentare të Kosovës.