Nisma për ngritjen e shtatores së Heroit Kombëtar Ded Gjo Luli në Tuz

E martë, 17 Nëntor, 2026
E martë, 17 Nëntor, 2026

Nisma për ngritjen e shtatores së Heroit Kombëtar Ded Gjo Luli në Tuz

Në komunën e Tuzit është dorëzuar zyrtarisht kërkesa për ngritjen e memorialit të Heroit Kombëtar Ded Gjo Luli në qendër të Tuzit. Lajmin e ka bërë të ditur nismëtari dhe financuesi i projektit, Gjergj Prenkoçaj.

Sipas Prenkoçajt, në kuadër të kësaj nisme është zhvilluar edhe një takim me Kryetarin e Komunës së Tuzit, Lindon Gjelaj, gjatë të cilit është diskutuar mundësia e vendosjes së shtatores së heroit kombëtar në një hapësirë qendrore të qytetit.

Gjatë takimit është prezantuar projekti me të gjitha të dhënat dhe informacionet e nevojshme administrative dhe teknike që lidhen me realizimin e tij.

Iniciatori i projektit bëri të ditur se nga kryetari i komunës ka marrë përkrahje dhe zotimin se do të bëhen përpjekjet maksimale që projekti të realizohet sipas kërkesës së paraqitur.

Vendosja e një memoriali për Ded Gjo Luli në Tuz konsiderohet një nismë me rëndësi të veçantë për ruajtjen dhe nderimin e figurave të shquara të historisë kombëtare shqiptare.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Në komunën e Tuzit është dorëzuar zyrtarisht kërkesa për ngritjen e memorialit të Heroit Kombëtar Ded Gjo Luli në qendër të Tuzit. Lajmin e ka bërë të ditur nismëtari dhe financuesi i projektit, Gjergj Prenkoçaj.

Sipas Prenkoçajt, në kuadër të kësaj nisme është zhvilluar edhe një takim me Kryetarin e Komunës së Tuzit, Lindon Gjelaj, gjatë të cilit është diskutuar mundësia e vendosjes së shtatores së heroit kombëtar në një hapësirë qendrore të qytetit.

Gjatë takimit është prezantuar projekti me të gjitha të dhënat dhe informacionet e nevojshme administrative dhe teknike që lidhen me realizimin e tij.

Iniciatori i projektit bëri të ditur se nga kryetari i komunës ka marrë përkrahje dhe zotimin se do të bëhen përpjekjet maksimale që projekti të realizohet sipas kërkesës së paraqitur.

Vendosja e një memoriali për Ded Gjo Luli në Tuz konsiderohet një nismë me rëndësi të veçantë për ruajtjen dhe nderimin e figurave të shquara të historisë kombëtare shqiptare.