Osmani nënshkruan pjesëmarrjen në Bordin e Paqes të Presidentit Trump

E martë, 17 Nëntor, 2026
E martë, 17 Nëntor, 2026

Osmani nënshkruan pjesëmarrjen në Bordin e Paqes të Presidentit Trump

Presidentja e Republikës së Kosovës, Vjosa Osmani, ka bërë të ditur se marrëveshjen për përfshirjen e Kosovës në themelimin e Bordit të Paqes do ta dërgojë për ratifikim në Kuvendin e Kosovës, në përputhje me Kushtetutën e vendit.

Në një deklaratë publike, presidentja Osmani theksoi se anëtarësimi i Kosovës në organizata ndërkombëtare të paqes, veçanërisht ato që udhëhiqen nga Shtetet e Bashkuara të Amerikës, përbën një interes strategjik dhe kombëtar për shtetin e Kosovës.

Sipas saj, përfshirja në këto mekanizma ndërkombëtarë jo vetëm që forcon sovranitetin e Kosovës, por edhe rrit peshën dhe pozicionin e saj në arenën ndërkombëtare. “Anëtarësimi në organizata ndërkombëtare të paqes e që udhëhiqen nga aleati ynë strategjik, fuqizon sovranitetin tonë, pozicionin tonë ndërkombëtar, si dhe është në interesin më të lartë të Republikës së Kosovës,” u shpreh Osmani.

Presidentja nënvizoi se kjo marrëveshje ka karakter historik për Kosovën dhe se hapi i radhës do të jetë dërgimi i saj në Kuvend për miratim përfundimtar nga përfaqësuesit e popullit. “Prandaj, kjo marrëveshje historike do t’i dërgohet Kuvendit të Kosovës për ratifikim, në përputhje me Kushtetutën e Kosovës, për të marrë miratimin final,” shtoi ajo.

Ky zhvillim vlerësohet si një hap i rëndësishëm në rrugën e konsolidimit të shtetësisë së Kosovës dhe thellimit të partneritetit strategjik me Shtetet e Bashkuara të Amerikës, si dhe në forcimin e rolit të Kosovës në nisma globale që synojnë paqen dhe stabilitetin ndërkombëtar.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Presidentja e Republikës së Kosovës, Vjosa Osmani, ka bërë të ditur se marrëveshjen për përfshirjen e Kosovës në themelimin e Bordit të Paqes do ta dërgojë për ratifikim në Kuvendin e Kosovës, në përputhje me Kushtetutën e vendit.

Në një deklaratë publike, presidentja Osmani theksoi se anëtarësimi i Kosovës në organizata ndërkombëtare të paqes, veçanërisht ato që udhëhiqen nga Shtetet e Bashkuara të Amerikës, përbën një interes strategjik dhe kombëtar për shtetin e Kosovës.

Sipas saj, përfshirja në këto mekanizma ndërkombëtarë jo vetëm që forcon sovranitetin e Kosovës, por edhe rrit peshën dhe pozicionin e saj në arenën ndërkombëtare. “Anëtarësimi në organizata ndërkombëtare të paqes e që udhëhiqen nga aleati ynë strategjik, fuqizon sovranitetin tonë, pozicionin tonë ndërkombëtar, si dhe është në interesin më të lartë të Republikës së Kosovës,” u shpreh Osmani.

Presidentja nënvizoi se kjo marrëveshje ka karakter historik për Kosovën dhe se hapi i radhës do të jetë dërgimi i saj në Kuvend për miratim përfundimtar nga përfaqësuesit e popullit. “Prandaj, kjo marrëveshje historike do t’i dërgohet Kuvendit të Kosovës për ratifikim, në përputhje me Kushtetutën e Kosovës, për të marrë miratimin final,” shtoi ajo.

Ky zhvillim vlerësohet si një hap i rëndësishëm në rrugën e konsolidimit të shtetësisë së Kosovës dhe thellimit të partneritetit strategjik me Shtetet e Bashkuara të Amerikës, si dhe në forcimin e rolit të Kosovës në nisma globale që synojnë paqen dhe stabilitetin ndërkombëtar.