Sot shënohet 28-vjetori i sulmit të dytë të forcave serbe ndaj familjes Jashari në Prekaz, një nga ngjarjet më të rënda dhe më domethënëse në historinë e rezistencës shqiptare në Kosovë.
Më 22 janar 1998, në orët e hershme të mëngjesit, forca të shumta të policisë serbe, të pozicionuara pranë Fabrikës së Municionit të Gjuetisë, rreth 500 metra larg lagjes “Jashari”, u drejtuan drejt Kullës së Jasharëve, duke e sulmuar me armë të llojeve të ndryshme.
Në atë kohë, komandanti legjendar i Ushtrisë Çlirimtare të Kosovës, Adem Jashari, nuk ndodhej në shtëpi. Përballë sulmit të dhunshëm qëndruan Shabani dhe Hamza Jashari, së bashku me nipa e mbesa, duke treguar rezistencë të vendosur përballë forcave serbe.
Ky ishte sulmi i dytë i regjimit serb ndaj familjes Jashari, ndërsa sulmi i tretë dhe më i përgjakshëm ndodhi më 5 mars 1998. Pas një lufte të pabarabartë që zgjati tri ditë, ranë heroikisht 59 anëtarë të familjes Jashari, përfshirë edhe Adem Jasharin, duke u shndërruar në simbol të sakrificës, qëndresës dhe lirisë së Kosovës.
Ngjarjet e Prekazit mbeten një gur themeli i kujtesës kombëtare dhe një dëshmi e çmimit të lartë të lirisë, duke nderuar përjetësisht familjen Jashari dhe kontributin e saj të jashtëzakonshëm në luftën çlirimtare.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Sot shënohet 28-vjetori i sulmit të dytë të forcave serbe ndaj familjes Jashari në Prekaz, një nga ngjarjet më të rënda dhe më domethënëse në historinë e rezistencës shqiptare në Kosovë.
Më 22 janar 1998, në orët e hershme të mëngjesit, forca të shumta të policisë serbe, të pozicionuara pranë Fabrikës së Municionit të Gjuetisë, rreth 500 metra larg lagjes “Jashari”, u drejtuan drejt Kullës së Jasharëve, duke e sulmuar me armë të llojeve të ndryshme.
Në atë kohë, komandanti legjendar i Ushtrisë Çlirimtare të Kosovës, Adem Jashari, nuk ndodhej në shtëpi. Përballë sulmit të dhunshëm qëndruan Shabani dhe Hamza Jashari, së bashku me nipa e mbesa, duke treguar rezistencë të vendosur përballë forcave serbe.
Ky ishte sulmi i dytë i regjimit serb ndaj familjes Jashari, ndërsa sulmi i tretë dhe më i përgjakshëm ndodhi më 5 mars 1998. Pas një lufte të pabarabartë që zgjati tri ditë, ranë heroikisht 59 anëtarë të familjes Jashari, përfshirë edhe Adem Jasharin, duke u shndërruar në simbol të sakrificës, qëndresës dhe lirisë së Kosovës.
Ngjarjet e Prekazit mbeten një gur themeli i kujtesës kombëtare dhe një dëshmi e çmimit të lartë të lirisë, duke nderuar përjetësisht familjen Jashari dhe kontributin e saj të jashtëzakonshëm në luftën çlirimtare.