Kongresmeni amerikan kërkon rol më aktiv të SHBA në Ballkan dhe Shqipëri

E enjte, 19 Nëntor, 2026
E enjte, 19 Nëntor, 2026

Kongresmeni amerikan kërkon rol më aktiv të SHBA në Ballkan dhe Shqipëri

Në një seancë të Komitetit për Politikë të Jashtme të Dhomës së Përfaqësuesve të Shteteve të Bashkuara, pjesëmarrësit u bënë thirrje administratës së presidentit Donald Trump të angazhohet më shumë në Ballkanin Perëndimor për të ruajtur stabilitetin dhe për të parandaluar konflikte të ardhshme.

Kryetari republikan i Nënkomitetit për Evropën, Keith Self, vlerësoi se Ballkani Perëndimor, pas Ukrainës, është “rajoni më i paqëndrueshëm në Evropë”. Ai u ndal veçanërisht te marrëdhëniet e pazgjidhura të Serbisë me Kosovën, të cilat, sipas tij, i japin mundësi Rusisë të minojë Bashkimin Evropian dhe aftësinë e NATO-s për të mbështetur vendet e rajonit.

Kongresmeni Self foli gjithashtu për Shqipërinë, duke theksuar se reforma në drejtësi duhet të rishikohet. “Pas dhjetë vitesh zbatim, është e përshtatshme të shikohet nëse reforma po ofron drejtësi të paanshme për popullin shqiptar. Numri i rasteve të prapambetura ka kaluar nga rreth 16,000 në fillim të reformës në rreth 200,000 sot, duke i lënë qytetarët të presin 8 deri në 15 vjet për një vendim përfundimtar. Këto vonesa dëmtojnë sundimin e ligjit dhe besimin publik”, tha ai.

Edward P. Joseph, ekspert i menaxhimit të konflikteve dhe ligjërues në Universitetin Johns Hopkins, vlerësoi progresin e Shqipërisë drejt integrimit euroatlantik, por shprehu shqetësim për vonesat në gjyqësor, ndërhyrjet në zgjedhje dhe rënien e pluralizmit politik. Ai kërkoi që SHBA të vazhdojë bashkëpunimin me Tiranën, duke monitoruar sundimin e ligjit dhe integritetin e procesit gjyqësor.

Joseph theksoi gjithashtu rëndësinë e një vendimi strategjik nga Serbia për të pranuar rendin perëndimor në rajon. “Rruga euroatlantike është zgjedhja e vetme racionale për Serbinë, e cila nuk duhet të bëhet Bjellorusia e Ballkanit,” tha ai.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Në një seancë të Komitetit për Politikë të Jashtme të Dhomës së Përfaqësuesve të Shteteve të Bashkuara, pjesëmarrësit u bënë thirrje administratës së presidentit Donald Trump të angazhohet më shumë në Ballkanin Perëndimor për të ruajtur stabilitetin dhe për të parandaluar konflikte të ardhshme.

Kryetari republikan i Nënkomitetit për Evropën, Keith Self, vlerësoi se Ballkani Perëndimor, pas Ukrainës, është “rajoni më i paqëndrueshëm në Evropë”. Ai u ndal veçanërisht te marrëdhëniet e pazgjidhura të Serbisë me Kosovën, të cilat, sipas tij, i japin mundësi Rusisë të minojë Bashkimin Evropian dhe aftësinë e NATO-s për të mbështetur vendet e rajonit.

Kongresmeni Self foli gjithashtu për Shqipërinë, duke theksuar se reforma në drejtësi duhet të rishikohet. “Pas dhjetë vitesh zbatim, është e përshtatshme të shikohet nëse reforma po ofron drejtësi të paanshme për popullin shqiptar. Numri i rasteve të prapambetura ka kaluar nga rreth 16,000 në fillim të reformës në rreth 200,000 sot, duke i lënë qytetarët të presin 8 deri në 15 vjet për një vendim përfundimtar. Këto vonesa dëmtojnë sundimin e ligjit dhe besimin publik”, tha ai.

Edward P. Joseph, ekspert i menaxhimit të konflikteve dhe ligjërues në Universitetin Johns Hopkins, vlerësoi progresin e Shqipërisë drejt integrimit euroatlantik, por shprehu shqetësim për vonesat në gjyqësor, ndërhyrjet në zgjedhje dhe rënien e pluralizmit politik. Ai kërkoi që SHBA të vazhdojë bashkëpunimin me Tiranën, duke monitoruar sundimin e ligjit dhe integritetin e procesit gjyqësor.

Joseph theksoi gjithashtu rëndësinë e një vendimi strategjik nga Serbia për të pranuar rendin perëndimor në rajon. “Rruga euroatlantike është zgjedhja e vetme racionale për Serbinë, e cila nuk duhet të bëhet Bjellorusia e Ballkanit,” tha ai.