Specialja ndalon vizitat për Thaçin, avokatët flasin për shkelje të të drejtave

E martë, 17 Nëntor, 2026
E martë, 17 Nëntor, 2026

Specialja ndalon vizitat për Thaçin, avokatët flasin për shkelje të të drejtave

Dhomat e Specializuara të Kosovës në Hagë vendosën më 18 gusht 2025 ndalimin e vizitave për njëmbëdhjetë persona tek ish-presidenti Hashim Thaçi, i cili ndodhet në paraburgim. Mes të ndaluarve janë Artan Behrami, Blerim Shala, Ismail Syla, Vllaznim Kryeziu, Milaim Ahmetaj, Milaim Cakiqi, Avni Kastrati dhe katër persona të tjerë.

Vendimi erdhi pas kërkesës së Zyrës së Prokurorit të Specializuar (ZPS), e cila kishte kërkuar ndalimin edhe për tre vëllezërit e Thaçit, por gjykata refuzoi këtë pjesë për të ruajtur kontaktin familjar, sidomos pas vdekjes së babait të ish-presidentit.

Avokati Artan Qerkini vlerëson se ky vendim shkel nenin 8 të Konventës Evropiane për të Drejtat e Njeriut, i cili garanton të drejtën për jetën private dhe familjare. Ai thekson se kërkesa e ZPS-së nuk plotëson testin e proporcionalitetit dhe është e palogjikshme, sidomos me nisjen e dëgjimeve të dëshmitarëve nga mbrojtja në shtator.

Drejtori i Këshillit për Mbrojtjen e të Drejtave dhe Lirive të Njeriut, Behxhet Shala, dhe kryetari i Organizatës së Veteranëve të UÇK-së, Hysni Gucati, e kanë cilësuar vendimin si të papranueshëm.

Hashim Thaçi ndodhet në paraburgim në Hagë që nga nëntori i vitit 2020, ndërsa aktakuza ndaj tij dhe të tjerëve është konfirmuar më 26 tetor 2020. Paraqitja e provave nga mbrojtja e ish-krerëve të UÇK-së pritet të nisë më 15 shtator 2025.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Dhomat e Specializuara të Kosovës në Hagë vendosën më 18 gusht 2025 ndalimin e vizitave për njëmbëdhjetë persona tek ish-presidenti Hashim Thaçi, i cili ndodhet në paraburgim. Mes të ndaluarve janë Artan Behrami, Blerim Shala, Ismail Syla, Vllaznim Kryeziu, Milaim Ahmetaj, Milaim Cakiqi, Avni Kastrati dhe katër persona të tjerë.

Vendimi erdhi pas kërkesës së Zyrës së Prokurorit të Specializuar (ZPS), e cila kishte kërkuar ndalimin edhe për tre vëllezërit e Thaçit, por gjykata refuzoi këtë pjesë për të ruajtur kontaktin familjar, sidomos pas vdekjes së babait të ish-presidentit.

Avokati Artan Qerkini vlerëson se ky vendim shkel nenin 8 të Konventës Evropiane për të Drejtat e Njeriut, i cili garanton të drejtën për jetën private dhe familjare. Ai thekson se kërkesa e ZPS-së nuk plotëson testin e proporcionalitetit dhe është e palogjikshme, sidomos me nisjen e dëgjimeve të dëshmitarëve nga mbrojtja në shtator.

Drejtori i Këshillit për Mbrojtjen e të Drejtave dhe Lirive të Njeriut, Behxhet Shala, dhe kryetari i Organizatës së Veteranëve të UÇK-së, Hysni Gucati, e kanë cilësuar vendimin si të papranueshëm.

Hashim Thaçi ndodhet në paraburgim në Hagë që nga nëntori i vitit 2020, ndërsa aktakuza ndaj tij dhe të tjerëve është konfirmuar më 26 tetor 2020. Paraqitja e provave nga mbrojtja e ish-krerëve të UÇK-së pritet të nisë më 15 shtator 2025.