Kolona kilometrike në Merdarë, pritje të gjata për kthimin nga pushimet verore

E martë, 17 Nëntor, 2026
E martë, 17 Nëntor, 2026

Kolona kilometrike në Merdarë, pritje të gjata për kthimin nga pushimet verore

Qytetarët që po kthehen nga pushimet verore në Kosovë po përballen me pritje të gjata në pikën kufitare të Merdares, ku kolonat e automjeteve arrijnë deri në disa kilometra.

Sipas të dhënave të Qendrës Kombëtare për Menaxhimin Kufitar, pritjet për dalje nga Kosova në këtë pikë kufitare po zgjasin mbi tri orë, ndërsa hyrja në vend shfaqet më e qetë.

Skënder Gashi, i cili po kthehej drejt Gjermanisë pas pushimeve, shprehu pakënaqësinë për pritjet e gjata. Po ashtu, qytetari Ilir Hajredini tha se aktualisht po punon vetëm një stacion kontrolli, gjë që nuk e bën situatën normale: “Kjo nuk është normale, vetëm një stacion kontrolli punon, nuk është mirë”, tha ai.

Pritje ka edhe në pikën kufitare Dheu i Bardhë, ku kolona e automjeteve në dalje arrin dyqind metra, me pritje rreth 40 minuta. Në hyrje, pritjet janë vetëm pesë minuta dhe nuk ka kolona. Në Mutivodë, kolonat arrijnë deri në pesëdhjetë metra, me pritje deri në gjysmë ore në dalje, ndërsa hyrja është e qetë.

Edhe vitet e kaluara, periudha e kthimit të mërgatës pas pushimeve ka sjellë fluks të madh në kufijtë e Kosovës, me kolonat më të gjata pikërisht në Merdare, një nga pikat më të frekuentuara.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Qytetarët që po kthehen nga pushimet verore në Kosovë po përballen me pritje të gjata në pikën kufitare të Merdares, ku kolonat e automjeteve arrijnë deri në disa kilometra.

Sipas të dhënave të Qendrës Kombëtare për Menaxhimin Kufitar, pritjet për dalje nga Kosova në këtë pikë kufitare po zgjasin mbi tri orë, ndërsa hyrja në vend shfaqet më e qetë.

Skënder Gashi, i cili po kthehej drejt Gjermanisë pas pushimeve, shprehu pakënaqësinë për pritjet e gjata. Po ashtu, qytetari Ilir Hajredini tha se aktualisht po punon vetëm një stacion kontrolli, gjë që nuk e bën situatën normale: “Kjo nuk është normale, vetëm një stacion kontrolli punon, nuk është mirë”, tha ai.

Pritje ka edhe në pikën kufitare Dheu i Bardhë, ku kolona e automjeteve në dalje arrin dyqind metra, me pritje rreth 40 minuta. Në hyrje, pritjet janë vetëm pesë minuta dhe nuk ka kolona. Në Mutivodë, kolonat arrijnë deri në pesëdhjetë metra, me pritje deri në gjysmë ore në dalje, ndërsa hyrja është e qetë.

Edhe vitet e kaluara, periudha e kthimit të mërgatës pas pushimeve ka sjellë fluks të madh në kufijtë e Kosovës, me kolonat më të gjata pikërisht në Merdare, një nga pikat më të frekuentuara.