Kurti takon David Baker: Synojmë thellimin e bashkëpunimit në mbrojtje

E martë, 17 Nëntor, 2026
E martë, 17 Nëntor, 2026

Kurti takon David Baker: Synojmë thellimin e bashkëpunimit në mbrojtje

Kryeministri në detyrë i Kosovës, Albin Kurti, ka zhvilluar një takim pune mbrëmjen e së premtes me Zëvendës Ndihmës Sekretarin amerikan të Mbrojtjes, David Baker, në një darkë zyrtare të organizuar nga ministri në detyrë i Mbrojtjes, Ejup Maqedonci. Në takim ishte e pranishme edhe e Ngarkuara me Punë e Ambasadës së SHBA-së në Prishtinë, Anu Prattipati.

Në qendër të diskutimeve ishin marrëdhëniet bilaterale mes Kosovës dhe Shteteve të Bashkuara të Amerikës, me theks të veçantë bashkëpunimi në fushën e sigurisë dhe mbrojtjes. Kryeministri Kurti informoi zyrtarin e lartë amerikan për zhvillimet e fundit në vend, përparimin institucional, si dhe për investimet në sektorin e mbrojtjes.

Ai shprehu vlerësimin e Qeverisë së Kosovës për mbështetjen e vazhdueshme që SHBA-të kanë ofruar ndaj shtetit të Kosovës dhe Forcës së Sigurisë së Kosovës (FSK), duke e cilësuar këtë mbështetje si jetike për forcimin e sigurisë dhe paqes në rajon.

Kurti theksoi gjithashtu gatishmërinë e Kosovës për të fuqizuar më tej raportet me SHBA-në, jo vetëm në fushën e sigurisë, por edhe në industrinë e mbrojtjes, duke përmendur rëndësinë e shkëmbimeve tregtare dhe investimeve të ndërsjella. Ai theksoi se rritja e bashkëpunimit në këtë sektor paraqet një mundësi për zhvillim dhe stabilitet të mëtejshëm në Ballkanin Perëndimor.

Takimi me David Baker përforcon angazhimin e Kosovës për të avancuar drejt integrimit euroatlantik dhe për të qenë një partnere aktive në ruajtjen e sigurisë në rajon.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Kryeministri në detyrë i Kosovës, Albin Kurti, ka zhvilluar një takim pune mbrëmjen e së premtes me Zëvendës Ndihmës Sekretarin amerikan të Mbrojtjes, David Baker, në një darkë zyrtare të organizuar nga ministri në detyrë i Mbrojtjes, Ejup Maqedonci. Në takim ishte e pranishme edhe e Ngarkuara me Punë e Ambasadës së SHBA-së në Prishtinë, Anu Prattipati.

Në qendër të diskutimeve ishin marrëdhëniet bilaterale mes Kosovës dhe Shteteve të Bashkuara të Amerikës, me theks të veçantë bashkëpunimi në fushën e sigurisë dhe mbrojtjes. Kryeministri Kurti informoi zyrtarin e lartë amerikan për zhvillimet e fundit në vend, përparimin institucional, si dhe për investimet në sektorin e mbrojtjes.

Ai shprehu vlerësimin e Qeverisë së Kosovës për mbështetjen e vazhdueshme që SHBA-të kanë ofruar ndaj shtetit të Kosovës dhe Forcës së Sigurisë së Kosovës (FSK), duke e cilësuar këtë mbështetje si jetike për forcimin e sigurisë dhe paqes në rajon.

Kurti theksoi gjithashtu gatishmërinë e Kosovës për të fuqizuar më tej raportet me SHBA-në, jo vetëm në fushën e sigurisë, por edhe në industrinë e mbrojtjes, duke përmendur rëndësinë e shkëmbimeve tregtare dhe investimeve të ndërsjella. Ai theksoi se rritja e bashkëpunimit në këtë sektor paraqet një mundësi për zhvillim dhe stabilitet të mëtejshëm në Ballkanin Perëndimor.

Takimi me David Baker përforcon angazhimin e Kosovës për të avancuar drejt integrimit euroatlantik dhe për të qenë një partnere aktive në ruajtjen e sigurisë në rajon.