Albin Kurti njofton rritjen e pagesave për nënat lehona dhe pagave të shtetit

E martë, 17 Nëntor, 2026
E martë, 17 Nëntor, 2026

Albin Kurti njofton rritjen e pagesave për nënat lehona dhe pagave të shtetit

Edhe pse në detyrë pas dorëheqjes së paraqitur më 15 prill, Kryeministri Albin Kurti dhe kabineti i tij kanë vijuar të marrin vendime me ndikim social. Në mbledhjen e 261-të të Qeverisë së Kosovës, Kurti shpalli rritjen e shtesave për nënat lehona si dhe rritjen e pagave për nëpunësit civilë.

“Qeverisja e mirë ka në qendër mirëqenien e jetës së qytetarëve dhe zhvillimin e vendit,” deklaroi Kurti, duke theksuar mbështetjen e vazhdueshme për nënat e reja.

Sipas vendimit të ri, shtesat mujore për nënat lehona do të rriten nga 170 euro në 325.9 euro, që përkon me vlerën neto të pagës minimale të re. Kjo rritje do të aplikohet si për gratë papunësuara, të cilat marrin këtë shtesë për gjashtë muaj, ashtu edhe për ato në marrëdhënie pune, që përfitojnë për tre muaj shtesë mbi pagën e rregullt sipas ligjit të punës.

“Kjo është një formë konkrete e mbështetjes për gratë dhe familjet e reja në vendin tonë. Deri tani, mbi 70 mijë nëna kanë përfituar nga kjo skemë,” nënvizoi Kurti.

Në të njëjtën mbledhje, kryeministri në detyrë bëri të ditur edhe rritjen e dytë të pagave për zyrtarët publikë, që do të hyjë në fuqi në muajin korrik. Kjo rritje pason zbatimin e rritjes së parë që ka nisur në janar.

“Paga mujore për mbi 80 mijë zyrtarë publikë do të jetë për 110 euro më e lartë se në dhjetor 2024. Paga mesatare do të arrijë në 865 euro në muaj,” theksoi Kurti.

Megjithëse qeveria aktuale ka dhënë dorëheqjen, veprimet e saj të vazhdueshme në funksion të politikave sociale dhe ekonomike mbeten pjesë e një kursi të shpallur për “shtet të drejtë dhe solidar.”

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Edhe pse në detyrë pas dorëheqjes së paraqitur më 15 prill, Kryeministri Albin Kurti dhe kabineti i tij kanë vijuar të marrin vendime me ndikim social. Në mbledhjen e 261-të të Qeverisë së Kosovës, Kurti shpalli rritjen e shtesave për nënat lehona si dhe rritjen e pagave për nëpunësit civilë.

“Qeverisja e mirë ka në qendër mirëqenien e jetës së qytetarëve dhe zhvillimin e vendit,” deklaroi Kurti, duke theksuar mbështetjen e vazhdueshme për nënat e reja.

Sipas vendimit të ri, shtesat mujore për nënat lehona do të rriten nga 170 euro në 325.9 euro, që përkon me vlerën neto të pagës minimale të re. Kjo rritje do të aplikohet si për gratë papunësuara, të cilat marrin këtë shtesë për gjashtë muaj, ashtu edhe për ato në marrëdhënie pune, që përfitojnë për tre muaj shtesë mbi pagën e rregullt sipas ligjit të punës.

“Kjo është një formë konkrete e mbështetjes për gratë dhe familjet e reja në vendin tonë. Deri tani, mbi 70 mijë nëna kanë përfituar nga kjo skemë,” nënvizoi Kurti.

Në të njëjtën mbledhje, kryeministri në detyrë bëri të ditur edhe rritjen e dytë të pagave për zyrtarët publikë, që do të hyjë në fuqi në muajin korrik. Kjo rritje pason zbatimin e rritjes së parë që ka nisur në janar.

“Paga mujore për mbi 80 mijë zyrtarë publikë do të jetë për 110 euro më e lartë se në dhjetor 2024. Paga mesatare do të arrijë në 865 euro në muaj,” theksoi Kurti.

Megjithëse qeveria aktuale ka dhënë dorëheqjen, veprimet e saj të vazhdueshme në funksion të politikave sociale dhe ekonomike mbeten pjesë e një kursi të shpallur për “shtet të drejtë dhe solidar.”