Ministri i Brendshëm në largim i Kosovës, Xhelal Sveçla, ka bërë të ditur arrestimin e një tjetër të dyshuari për sulmin ndaj ushtarëve të KFOR-it gjatë protestave të dhunshme të 29 majit 2023 në Zveçan.
Përmes një postimi në Facebook, Sveçla tha se pret që drejtësia të veprojë pa asnjë kompromis ndaj personit të ndaluar. “Asnjë kriminel e terrorist nuk do ta ndjejë lirinë për aq kohë sa ka cënuar rendin tonë kushtetues, punën e institucioneve tona, detyrën e zyrtarëve tanë e personelit ndërkombëtar. Mbi ta do të veprohet pa asnjë kompromis”, theksoi ministri.
Ai shtoi se Republika e Kosovës nuk ka qenë dhe nuk do të jetë “kurrë zonë e rehatisë për kriminelë e terroristë”.
Në përplasjet e dhunshme që pasuan protestat e komunitetit serb kundër kryetarëve shqiptarë në veri të Kosovës, mbi 90 pjesëtarë të forcave të NATO-s në Kosovë (KFOR) mbetën të plagosur. Ngjarja shkaktoi reagime të forta nga institucionet vendore, aleatët ndërkombëtarë dhe NATO.
Autoritetet kosovare kanë arrestuar disa persona të dyshuar për pjesëmarrje në protestat e dhunshme dhe për sulme ndaj trupave ndërkombëtare. Arrestimi i fundit vjen si pjesë e hetimeve në vijim, për të identifikuar dhe ndëshkuar autorët e dhunës.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Ministri i Brendshëm në largim i Kosovës, Xhelal Sveçla, ka bërë të ditur arrestimin e një tjetër të dyshuari për sulmin ndaj ushtarëve të KFOR-it gjatë protestave të dhunshme të 29 majit 2023 në Zveçan.
Përmes një postimi në Facebook, Sveçla tha se pret që drejtësia të veprojë pa asnjë kompromis ndaj personit të ndaluar. “Asnjë kriminel e terrorist nuk do ta ndjejë lirinë për aq kohë sa ka cënuar rendin tonë kushtetues, punën e institucioneve tona, detyrën e zyrtarëve tanë e personelit ndërkombëtar. Mbi ta do të veprohet pa asnjë kompromis”, theksoi ministri.
Ai shtoi se Republika e Kosovës nuk ka qenë dhe nuk do të jetë “kurrë zonë e rehatisë për kriminelë e terroristë”.
Në përplasjet e dhunshme që pasuan protestat e komunitetit serb kundër kryetarëve shqiptarë në veri të Kosovës, mbi 90 pjesëtarë të forcave të NATO-s në Kosovë (KFOR) mbetën të plagosur. Ngjarja shkaktoi reagime të forta nga institucionet vendore, aleatët ndërkombëtarë dhe NATO.
Autoritetet kosovare kanë arrestuar disa persona të dyshuar për pjesëmarrje në protestat e dhunshme dhe për sulme ndaj trupave ndërkombëtare. Arrestimi i fundit vjen si pjesë e hetimeve në vijim, për të identifikuar dhe ndëshkuar autorët e dhunës.
