Mbretëria e Bashkuar rikonfirmon mbështetjen për SPAK

E shtunë, 21 Nëntor, 2026
E shtunë, 21 Nëntor, 2026

Mbretëria e Bashkuar rikonfirmon mbështetjen për SPAK

Ambasada e Mbretërisë së Bashkuar në Tiranë ka rikonfirmuar mbështetjen e saj për Prokurorinë e Posaçme Kundër Korrupsionit dhe Krimit të Organizuar (SPAK), në një kohë kur kjo strukturë mbetet në qendër të vëmendjes për rolin e saj në luftën kundër korrupsionit dhe krimit të organizuar në vend.

Përmes një njoftimi në rrjetet sociale, Ambasada britanike shprehet se qëndron fuqishëm në krah të SPAK dhe sundimit të ligjit në Shqipëri. “Përmes shërbimit Ndërkombëtar të Komunikimeve të Qeverisë së Mbretërisë së Bashkuar, kemi mbështetur SPAK për të komunikuar përparimin e saj në reduktimin e korrupsionit dhe krimit të organizuar në Shqipëri,” thuhet në deklaratë.

Më tej, Ambasada thekson rëndësinë e një strategjie të re komunikimi, e cila do të shërbejë si një udhërrëfyes për mënyrën se si SPAK do të angazhohet me median, qytetarët dhe grupet e interesit gjatë tri viteve të ardhshme. Kjo strategji synon të forcojë transparencën, të rrisë llogaridhënien dhe të forcojë besimin publik ndaj institucionit.

Deklarata përkoi me prezantimin nga kreu i SPAK, Altin Dumani, të raportit vjetor të punës për vitin 2024, përpara Këshillit të Lartë të Prokurorisë. Në këtë raport, Dumani evidentoi arritjet dhe sfidat me të cilat është përballur SPAK, duke nënvizuar përkushtimin e institucionit për të çuar përpara hetimet ndaj korrupsionit të nivelit të lartë dhe krimit të organizuar.

Mbështetja ndërkombëtare, veçanërisht ajo e aleatëve si Mbretëria e Bashkuar, konsiderohet kyçe për forcimin e institucioneve të drejtësisë në Shqipëri dhe për vazhdimin e reformave në kuadër të integrimit evropian.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Ambasada e Mbretërisë së Bashkuar në Tiranë ka rikonfirmuar mbështetjen e saj për Prokurorinë e Posaçme Kundër Korrupsionit dhe Krimit të Organizuar (SPAK), në një kohë kur kjo strukturë mbetet në qendër të vëmendjes për rolin e saj në luftën kundër korrupsionit dhe krimit të organizuar në vend.

Përmes një njoftimi në rrjetet sociale, Ambasada britanike shprehet se qëndron fuqishëm në krah të SPAK dhe sundimit të ligjit në Shqipëri. “Përmes shërbimit Ndërkombëtar të Komunikimeve të Qeverisë së Mbretërisë së Bashkuar, kemi mbështetur SPAK për të komunikuar përparimin e saj në reduktimin e korrupsionit dhe krimit të organizuar në Shqipëri,” thuhet në deklaratë.

Më tej, Ambasada thekson rëndësinë e një strategjie të re komunikimi, e cila do të shërbejë si një udhërrëfyes për mënyrën se si SPAK do të angazhohet me median, qytetarët dhe grupet e interesit gjatë tri viteve të ardhshme. Kjo strategji synon të forcojë transparencën, të rrisë llogaridhënien dhe të forcojë besimin publik ndaj institucionit.

Deklarata përkoi me prezantimin nga kreu i SPAK, Altin Dumani, të raportit vjetor të punës për vitin 2024, përpara Këshillit të Lartë të Prokurorisë. Në këtë raport, Dumani evidentoi arritjet dhe sfidat me të cilat është përballur SPAK, duke nënvizuar përkushtimin e institucionit për të çuar përpara hetimet ndaj korrupsionit të nivelit të lartë dhe krimit të organizuar.

Mbështetja ndërkombëtare, veçanërisht ajo e aleatëve si Mbretëria e Bashkuar, konsiderohet kyçe për forcimin e institucioneve të drejtësisë në Shqipëri dhe për vazhdimin e reformave në kuadër të integrimit evropian.