Kurti takon Lammy: Mbretëria e Bashkuar, aleate e Kosovës në integrim

E martë, 17 Nëntor, 2026
E martë, 17 Nëntor, 2026

Kurti takon Lammy: Mbretëria e Bashkuar, aleate e Kosovës në integrim

Kryeministri i Kosovës, Albin Kurti, ka zhvilluar një takim me Sekretarin e Shtetit për Punë të Jashtme të Mbretërisë së Bashkuar, David Lammy, dhe të Dërguarën e Posaçme për Ballkanin Perëndimor, Karen Pierce, ku ka shprehur gatishmërinë e Kosovës për të bashkëpunuar në pritjen e Samitit të Procesit të Berlinit.

Në një postim në rrjetet sociale, Kurti ka theksuar marrëdhëniet e ngushta mes Kosovës dhe Mbretërisë së Bashkuar, duke shprehur mirënjohje për mbështetjen britanike në procesin e shtetndërtimit dhe forcimit të institucioneve në Kosovë.

Gjatë takimit, palët diskutuan mbi progresin demokratik dhe ekonomik të Kosovës, si dhe synimet e saj për anëtarësim në NATO, Bashkimin Evropian dhe Këshillin e Evropës.

“Kosova dhe Mbretëria e Bashkuar ndajnë vlera dhe parime demokratike të përbashkëta. I shpreha mirënjohjen e thellë Sekretarit Lammy dhe Ambasadores Pierce për përkrahjen e vazhdueshme ndaj Kosovës. Gjithashtu, i urova për organizimin e Samitit të Procesit të Berlinit këtë vit dhe ofrova bashkëpunimin tonë për ta bërë atë sa më të suksesshëm”, u shpreh Kurti.

Ky takim nënvizon rëndësinë e partneritetit mes Kosovës dhe Britanisë së Madhe, veçanërisht në procesin e integrimit euroatlantik dhe bashkëpunimin rajonal.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.

Kryeministri i Kosovës, Albin Kurti, ka zhvilluar një takim me Sekretarin e Shtetit për Punë të Jashtme të Mbretërisë së Bashkuar, David Lammy, dhe të Dërguarën e Posaçme për Ballkanin Perëndimor, Karen Pierce, ku ka shprehur gatishmërinë e Kosovës për të bashkëpunuar në pritjen e Samitit të Procesit të Berlinit.

Në një postim në rrjetet sociale, Kurti ka theksuar marrëdhëniet e ngushta mes Kosovës dhe Mbretërisë së Bashkuar, duke shprehur mirënjohje për mbështetjen britanike në procesin e shtetndërtimit dhe forcimit të institucioneve në Kosovë.

Gjatë takimit, palët diskutuan mbi progresin demokratik dhe ekonomik të Kosovës, si dhe synimet e saj për anëtarësim në NATO, Bashkimin Evropian dhe Këshillin e Evropës.

“Kosova dhe Mbretëria e Bashkuar ndajnë vlera dhe parime demokratike të përbashkëta. I shpreha mirënjohjen e thellë Sekretarit Lammy dhe Ambasadores Pierce për përkrahjen e vazhdueshme ndaj Kosovës. Gjithashtu, i urova për organizimin e Samitit të Procesit të Berlinit këtë vit dhe ofrova bashkëpunimin tonë për ta bërë atë sa më të suksesshëm”, u shpreh Kurti.

Ky takim nënvizon rëndësinë e partneritetit mes Kosovës dhe Britanisë së Madhe, veçanërisht në procesin e integrimit euroatlantik dhe bashkëpunimin rajonal.