Bregdeti shqiptar po tërheq gjithnjë e më shumë vëmendjen e mediave prestigjioze ndërkombëtare, duke u shndërruar në një nga destinacionet më të kërkuara për pushime verore. Revista e njohur globale Condé Nast Traveller (CN Traveller) ka vlerësuar bukuritë natyrore të vijës bregdetare jugperëndimore të Shqipërisë, duke e cilësuar si një parajsë mesdhetare ende të pazbuluar plotësisht nga turistët.
Në një artikull të fundit, CN Traveller thekson se Shqipëria, megjithëse për një kohë të gjatë ka qenë në hije krahasuar me fqinjët e saj të njohur si Kroacia dhe Greqia, po shndërrohet në një “romancë verore që nuk do ta harroni kurrë”. Me plazhe të pacenuara, ujëra kristal të pastër dhe një mikpritje autentike, vendi ynë po bëhet një alternativë gjithnjë e më tërheqëse për turistët ndërkombëtarë.
Shqipëria ofron një peizazh unik, ku malet shtrihen përgjatë anës lindore, ndërsa brigjet jugperëndimore mbeten një oaz qetësie për ata që kërkojnë një përvojë të veçantë mes rërës së artë dhe detit të kaltër. Infrastruktura turistike është në zhvillim të shpejtë, duke krijuar kushte më të mira për udhëtarët që dëshirojnë të eksplorojnë këtë perlë të fshehur të Mesdheut.
Me një përzierje të pasur të historisë, kulturës dhe natyrës, Shqipëria po tërheq jo vetëm vizitorë kuriozë, por edhe investitorë që shohin potencialin e madh të këtij sektori. Turizmi në vend është në një rritje të vazhdueshme, dhe me promovimin e duhur, ai pritet të bëhet një nga shtyllat kryesore të ekonomisë shqiptare në vitet e ardhshme.
Për ata që janë në kërkim të një eksperience unike dhe të paharrueshme, Shqipëria është destinacioni që duhet të vendoset në listën e tyre të udhëtimeve këtë verë.
Plazhi i Ri dhe Uji i Ftohtë, pranë Vlorës
Këto dy plazhe janë porta për në Rivierën Shqiptare – në skajin verior të saj – dhe nisja drejt plazheve më të mira në Shqipëri.
Vlora, e vendosur pak më shumë se 90 milje nga kryeqyteti shqiptar, Tirana, është një qytet port ku detet Jon dhe Adriatik takohen dhe shkëmbinjtë shtrihen përgjatë bregdetit.
Qyteti tërheq një sërë turistësh të cilët gjejnë plazhe dhe atmosfera të ndryshme për çdo shije.
Nëse jeni duke kërkuar një atmosferë të gjallë feste, ju presin baret në Plazhin e Ri.
Nëse preferoni një vendpushim më të qetë, atëherë drejtohuni në Ujin e Ftohtë më të izoluar.
Llamani, në Himarë
Himara, një fshat tjetër në Rivierë ofron dy atmosfera të ndryshme. Përveç të qenit një vendpushim popullor plazhi, ka një fshat të qetë ku jeta vazhdon prej kohësh, me peshkatarë që mblidhen në taverna tradicionale pas një dite peshkimi në det.
Është një pasqyrim i plazheve më të mira të Shqipërisë – i hapur për turistët ndërkombëtarë, por duke mos harruar rrënjët e saj.
Vendi më i mirë për të shijuar diellin dhe detin pranë Himarës është në Llaman, një plazh shumë i preferuar nga vendasit.
I vendosur midis dy kodrave, ky liman me guralecë është vendi ideal për të pushuar.
Saranda
Qendra e madhe e turizmit në Rivierën Shqiptare, Saranda, është gjithashtu një nga destinacionet më të njohura në Ballkan me një atmosferë që shpesh ndihet e ngjashme me atë që gjendet në shumë resorte mesdhetare të Spanjës.
Qyteti po përjeton një bum ndërtimi dhe kodrat pas detit janë të mbushura me hotele dhe ndërtesa apartamentesh në proces ndërtimi.
Buneci
Buneci, në Sarandë të tërheq me dritat e ndezura dhe atmosferën festive të fqinjit të tij jugor. Megjithatë, ata që do të zgjedhin të kalojnë disa ditë në Bunec, do të gjejnë një plazh pothuajse të shkretë me guralecë të bardhë që është po aq i bukur sa çdo plazh tjetër pranë Sarandës.
Ndërsa ka një infrastrukturë bazë turistike, ky fshat bregdetar mbetet relativisht i pazhvilluar. Ka disa kafene tradicionale dhe një hotel, por ju ende do të jeni në gjendje të dëgjoni zhurmën e valëve.
Ishujt e Ksamilit
Nëse do të na duhej të hartonim një listë me destinacionet më të mira të plazheve të Shqipërisë, Ishujt e Ksamilit do të ishin të paktën ndër tre të parët, nëse jo në vendin e parë.
Ky arkipelag, 12 milje larg Sarandës, është më shumë se thjesht një imazh kartoline.
Atmosfera ju jep ndjesinë sikur jeni në një ëndërr: katër ishuj të pyllëzuar në mes të një deti të mahnitshëm me ujëra bruz.
Ndërsa shikoni në horizont, do të shihni një numër ishujsh të tjerë që dukenaq afër, saqë do të dëshironit t’i preknit!
Dhërmi
Edhe pse emri i tij mund të mos jetë i njohur për ata që nuk e kanë vizituar ende Shqipërinë, Dhërmiu është një nga plazhet më të njohur në vend.
Dikur një sekret i ruajtur nga vendasit, sot ky plazh urban është gjithashtu një nga më të mëdhenjtë në Shqipëri – dhe as në mes të gushtit nuk do ta keni të vështirë të gjeni një hapësirë për të shtruar peshqirin.
Shpirtrat aventureske do të duan gjithashtu të eksplorojnë limanet dhe shpellat aty pranë, duke përfshirë Drymades, një nga të paktat pika që mund të rivalizojë Ksamilin – i konsideruar si plazhi më i bukur i Shqipërisë.
Drymades
Në Drymades, do të gjeni rërë të imët, guralecë të bardhë dhe pemë ulliri shekullore, por edhe shezllone dhe çadra shumëngjyrëshe, bare plazhi në modë dhe një sërë akomodimesh – nga bungalot modeste deri te hotelet me pesë yje. Ai konsiderohet si plazhi më cool në Shqipëri.
Qeparo
Qeparo është një nga plazhet nën radar dhe më pak të vizituar në Rivierën Shqiptare.
Ky fshat ka dy shkëmbinj me pamje nga Mesdheu dhe ofron një panoramë mahnitëse për Instagram-in, natyrisht, pa asnjë filtër.
Ndërkohë që flitet për plazhet e Shqipërisë, plazhi i Qeparoit arrin të mbetet sekret. Nëse udhëtoni atje, mund të zbuloni se nuk do të takoni turistë të tjerë nga përtej rajonit.
Gjipe
Në bregun jugor, afër fshatit Dukat, ndodhet një plazh i fshehtë i quajtur Gjilek.
Atmosfera e pacenuar dhe pa njerëz e bën aksesin pak të ndërlikuar, pasi ai mund të arrihet vetëm me varkë ose duke ecur më këmbë për gati gjysmë ore – përgjatë një shtegu që nis nga fshati Gjilek dhe përshkon kanionin mbresëlënës që e rrethon, me shkëmbinjtë e lartë dhe ujërat e kristalta.
Gjiri i Gramës
I vogël dhe tërheqës, me rërë të imët të bardhë, Gjiri i Gramës është i fshehur mes shkëmbinjve të thepisur dhe i rrethuar nga bimësi e harlisur.
Mënyra më e lehtë për ta vizituar është nga deti duke pasur parasysh vendndodhjen e tij të largët dhe të izoluar.
Ai ofron pikërisht atë që do të dëshironit të gjenit në pushimet tuaja në plazhin shqiptar, duke përfshirë ujërat shkëlqyese bruz të detit Jon.
Mos humbisni mbishkrimet e lashta në shkëmbinjtë e afërt që datojnë që nga periudhat romake dhe greke.
Durrës
Mos u trembni nga madhësia e Durrësit, qyteti i dytë më i populluar në Shqipëri.
Përveç përfshirjes së disa vendeve të njohura romake, si amfiteatri dhe banjat – ai është i bekuar me një shtrirje bregdetare rreth 6 milje të gjatë – ku mund të gjeni një shezlong dhe vendosni peshqirin tuaj.
Borsh
Pak më shumë se 4 milje plazh i pacënuar, pikërisht në jug të Qeparoit, ndodhet Borshi.
Plazhi i tij verbues, ndërpritet nga shkëmbinjtë dhe limanet në një nga rrugët më dramatike bregdetare të vendit.
Plazhi, çuditërisht një nga më pak të vizituarit në Shqipëri – i cili është i rrethuar nga ullinj dhe kodra.
Borshi – i cili pasqyron Mesdheun e dikurshëm, ika arritur të mbijetojë në gjendjen e tij të pastër dhe të pacënuar.
https://www.cntraveller.com/gallery/the-best-beaches-in-albania
