Për herë të parë, Ansambli Kombëtar i Këngëve dhe Valleve “Shota” nga Kosova do të marrë pjesë në Festivalin Ndërkombëtar të Folklorit “Świąt Pod Kyczerą” në Poloni. Ky festival prestigjioz, i cili zhvillohet rregullisht që nga viti 1996, do të mbledhë mbi 300 artistë nga mbarë bota, për të kremtuar trashëgiminë kulturore dhe artistike të popujve të ndryshëm.
Programi i festivalit përshin koncerte gala, procesione rrugore, punëtori artistike, si dhe prezantime artizanale dhe kulinare. Ngjarja kryesore do të zhvillohet në qytetin Legnica në fillim të korrikut, ku skena në Sheshin e Tregut do të mbushet me muzikë, vallëzim dhe energjinë e artistëve pjesëmarrës.
Pjesëmarrja e Ansamblit “Shota” në këtë festival u mundësua falë një bashkëpunimi të ngushtë me Konsullatën e Përgjithshme të Republikës së Kosovës në Varshavë dhe organizatën “Kosova in Poland”. Kryetari i Shoqatës Poloni-Kosovë, gjatë një vizite pune në Qendrën e Kulturës në Legnica, u takua me drejtorin e festivalit, Jerzy Starzyński, ku u diskutua mbi mundësitë e bashkëpunimit ndërkulturor dhe u inicua pjesëmarrja e ansamblit kosovar në këtë aktivitet.
Festivali “Świąt Pod Kyczerą” zhvillohet në disa qytete të ndryshme polake, si Oleśnica, Lisiec, Szprotawa, Polkowice, Wołów, Polanica-Zdrój, Rudna, Zamienice dhe Legnickie Pole. Aktivitetet e tij synojnë jo vetëm promovimin e folklorit botëror, por edhe krijimin e urave lidhëse mes kulturave të ndryshme, duke nxitur dialogun dhe tolerancën ndërpopullore.
Pjesëmarrja e Ansamblit “Shota” në këtë festival përfaqëson një mundësi të shkëlqyer për të promovuar trashëgiminë kulturore dhe artistike të Kosovës në arenën ndërkombëtare.
Nga Haxhi Dulla
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Për herë të parë, Ansambli Kombëtar i Këngëve dhe Valleve “Shota” nga Kosova do të marrë pjesë në Festivalin Ndërkombëtar të Folklorit “Świąt Pod Kyczerą” në Poloni. Ky festival prestigjioz, i cili zhvillohet rregullisht që nga viti 1996, do të mbledhë mbi 300 artistë nga mbarë bota, për të kremtuar trashëgiminë kulturore dhe artistike të popujve të ndryshëm.
Programi i festivalit përshin koncerte gala, procesione rrugore, punëtori artistike, si dhe prezantime artizanale dhe kulinare. Ngjarja kryesore do të zhvillohet në qytetin Legnica në fillim të korrikut, ku skena në Sheshin e Tregut do të mbushet me muzikë, vallëzim dhe energjinë e artistëve pjesëmarrës.
Pjesëmarrja e Ansamblit “Shota” në këtë festival u mundësua falë një bashkëpunimi të ngushtë me Konsullatën e Përgjithshme të Republikës së Kosovës në Varshavë dhe organizatën “Kosova in Poland”. Kryetari i Shoqatës Poloni-Kosovë, gjatë një vizite pune në Qendrën e Kulturës në Legnica, u takua me drejtorin e festivalit, Jerzy Starzyński, ku u diskutua mbi mundësitë e bashkëpunimit ndërkulturor dhe u inicua pjesëmarrja e ansamblit kosovar në këtë aktivitet.
Festivali “Świąt Pod Kyczerą” zhvillohet në disa qytete të ndryshme polake, si Oleśnica, Lisiec, Szprotawa, Polkowice, Wołów, Polanica-Zdrój, Rudna, Zamienice dhe Legnickie Pole. Aktivitetet e tij synojnë jo vetëm promovimin e folklorit botëror, por edhe krijimin e urave lidhëse mes kulturave të ndryshme, duke nxitur dialogun dhe tolerancën ndërpopullore.
Pjesëmarrja e Ansamblit “Shota” në këtë festival përfaqëson një mundësi të shkëlqyer për të promovuar trashëgiminë kulturore dhe artistike të Kosovës në arenën ndërkombëtare.
Nga Haxhi Dulla
