Të ardhurat që emigrantët shqiptarë kanë dërguar tek familjet e tyre në Shqipëri kanë shënuar një nivel rekord gjatë vitit 2024, duke kaluar për herë të parë kufirin e 1 miliardë eurove. Sipas të dhënave të Bankës së Shqipërisë, remitancat arritën në 1.05 miliardë euro, me një rritje prej 12.5% krahasuar me vitin e mëparshëm.
Paralelisht, emigracioni shqiptar ka njohur një ritëm të përshpejtuar, me rreth 75 mijë leje qëndrimi të reja të dhëna për shtetas shqiptarë nga vendet e Bashkimit Europian në vitin 2024. Kjo shifër është vetëm pak më e ulët se një vit më parë, kur u regjistruan 79.2 mijë leje të reja. Në total, gjatë viteve 2022-2023 janë dhënë 154 mijë leje qëndrimi për herë të parë për shqiptarët në BE.
Sipas të dhënave të Eurostat, që nga viti 2008, rreth 920 mijë shtetas shqiptarë kanë marrë leje qëndrimi për herë të parë në një shtet të BE-së, duke reflektuar një zgjatje të ciklit të emigracionit. Ekspertët vlerësojnë se pas një periudhe prej 10-15 vitesh, lidhjet e emigrantëve me vendin amë fillojnë të zbehen, një fenomen i vërejtur edhe pas valës së parë të emigracionit në vitet ‘90, që solli një rënie të prurjeve pas vitit 2008.
Ndër destinacionet kryesore të emigracionit vijojnë të mbeten Italia dhe Greqia, por në vitet e fundit ka pasur një rritje të ndjeshme të emigracionit drejt Gjermanisë dhe Mbretërisë së Bashkuar.
Një tjetër faktor që ka ndikuar në rritjen e remitancave është edhe ekonomia informale. Banka e Shqipërisë përfshin këto dërgesa në bilancin e pagesave, ku përveç remitancave zyrtare mund të përfshihen edhe hyrje të tjera financiare, përfshirë kapital të investuar në sektorë si ndërtimi apo tregu i pasurive të paluajtshme, që shpeshherë lidhen edhe me burime joformale.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Të ardhurat që emigrantët shqiptarë kanë dërguar tek familjet e tyre në Shqipëri kanë shënuar një nivel rekord gjatë vitit 2024, duke kaluar për herë të parë kufirin e 1 miliardë eurove. Sipas të dhënave të Bankës së Shqipërisë, remitancat arritën në 1.05 miliardë euro, me një rritje prej 12.5% krahasuar me vitin e mëparshëm.
Paralelisht, emigracioni shqiptar ka njohur një ritëm të përshpejtuar, me rreth 75 mijë leje qëndrimi të reja të dhëna për shtetas shqiptarë nga vendet e Bashkimit Europian në vitin 2024. Kjo shifër është vetëm pak më e ulët se një vit më parë, kur u regjistruan 79.2 mijë leje të reja. Në total, gjatë viteve 2022-2023 janë dhënë 154 mijë leje qëndrimi për herë të parë për shqiptarët në BE.
Sipas të dhënave të Eurostat, që nga viti 2008, rreth 920 mijë shtetas shqiptarë kanë marrë leje qëndrimi për herë të parë në një shtet të BE-së, duke reflektuar një zgjatje të ciklit të emigracionit. Ekspertët vlerësojnë se pas një periudhe prej 10-15 vitesh, lidhjet e emigrantëve me vendin amë fillojnë të zbehen, një fenomen i vërejtur edhe pas valës së parë të emigracionit në vitet ‘90, që solli një rënie të prurjeve pas vitit 2008.
Ndër destinacionet kryesore të emigracionit vijojnë të mbeten Italia dhe Greqia, por në vitet e fundit ka pasur një rritje të ndjeshme të emigracionit drejt Gjermanisë dhe Mbretërisë së Bashkuar.
Një tjetër faktor që ka ndikuar në rritjen e remitancave është edhe ekonomia informale. Banka e Shqipërisë përfshin këto dërgesa në bilancin e pagesave, ku përveç remitancave zyrtare mund të përfshihen edhe hyrje të tjera financiare, përfshirë kapital të investuar në sektorë si ndërtimi apo tregu i pasurive të paluajtshme, që shpeshherë lidhen edhe me burime joformale.
