Qendra Muzeore e Krujës ka regjistruar një numër të lartë vizitorësh në dy muajt e parë të këtij viti, duke shënuar një rritje të konsiderueshme krahasuar me të njëjtën periudhë të vitit të kaluar.
Sipas drejtorit të Muzeut Kombëtar “Gjergj Kastrioti Skënderbeu” dhe Muzeut Etnografik të Krujës, Mehdi Hafizi, 9307 vizitorë kanë eksploruar këto atraksione gjatë janarit dhe shkurtit, ku pjesën më të madhe të turistëve të huaj e përbëjnë vizitorët nga Kina, Italia, Spanja dhe Shtetet e Bashkuara të Amerikës.
Muzeu Kombëtar “Gjergj Kastrioti Skënderbeu” ka regjistruar një rritje prej 20% krahasuar me të njëjtën periudhë të vitit 2024, me një total prej 8176 vizitorësh vetëm në këta dy muaj.
Një interes i veçantë është vënë re edhe nga studentë nga Kanadaja dhe Danimarka, të cilët kanë vizituar muzeun për të mësuar më shumë rreth historisë shqiptare dhe figurës së heroit kombëtar, Skënderbeut. Krahas tyre, muzeun e kanë frekuentuar edhe nxënës e studentë nga Shqipëria dhe Kosova, duke treguar një rritje të ndjeshme të interesit për trashëgiminë kulturore kombëtare.
Kruja, e njohur për turizmin historik njëditor, po përjeton gjithashtu një zgjerim të kapaciteteve akomoduese, çka ka bërë që vizitorët të qëndrojnë më gjatë në qytet. Pazari karakteristik i Krujës, me rrugicat e tij me kalldrëm dhe dyqanet e punimeve artizanale tradicionale, mbetet një nga pikat më tërheqëse për turistët.
Në çdo vizitë në Krujë, turistët nuk largohen pa eksploruar Muzeun Kombëtar “Gjergj Kastrioti Skënderbeu” dhe Muzeun Etnografik, dy institucione që ofrojnë një përvojë të pasur kulturore dhe historike mbi të kaluarën e lavdishme të këtij qyteti.
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Qendra Muzeore e Krujës ka regjistruar një numër të lartë vizitorësh në dy muajt e parë të këtij viti, duke shënuar një rritje të konsiderueshme krahasuar me të njëjtën periudhë të vitit të kaluar.
Sipas drejtorit të Muzeut Kombëtar “Gjergj Kastrioti Skënderbeu” dhe Muzeut Etnografik të Krujës, Mehdi Hafizi, 9307 vizitorë kanë eksploruar këto atraksione gjatë janarit dhe shkurtit, ku pjesën më të madhe të turistëve të huaj e përbëjnë vizitorët nga Kina, Italia, Spanja dhe Shtetet e Bashkuara të Amerikës.
Muzeu Kombëtar “Gjergj Kastrioti Skënderbeu” ka regjistruar një rritje prej 20% krahasuar me të njëjtën periudhë të vitit 2024, me një total prej 8176 vizitorësh vetëm në këta dy muaj.
Një interes i veçantë është vënë re edhe nga studentë nga Kanadaja dhe Danimarka, të cilët kanë vizituar muzeun për të mësuar më shumë rreth historisë shqiptare dhe figurës së heroit kombëtar, Skënderbeut. Krahas tyre, muzeun e kanë frekuentuar edhe nxënës e studentë nga Shqipëria dhe Kosova, duke treguar një rritje të ndjeshme të interesit për trashëgiminë kulturore kombëtare.
Kruja, e njohur për turizmin historik njëditor, po përjeton gjithashtu një zgjerim të kapaciteteve akomoduese, çka ka bërë që vizitorët të qëndrojnë më gjatë në qytet. Pazari karakteristik i Krujës, me rrugicat e tij me kalldrëm dhe dyqanet e punimeve artizanale tradicionale, mbetet një nga pikat më tërheqëse për turistët.
Në çdo vizitë në Krujë, turistët nuk largohen pa eksploruar Muzeun Kombëtar “Gjergj Kastrioti Skënderbeu” dhe Muzeun Etnografik, dy institucione që ofrojnë një përvojë të pasur kulturore dhe historike mbi të kaluarën e lavdishme të këtij qyteti.
