Në ambientet e GIZ-it në Tiranë, Eksperti i Dhomës së Biznesit të Diasporës David Majed, promovoi romanin e tij “Der Himmel ist ein Taschenspiele” (Parajsa është një shaka e dorës).
Një roman biografik, tejet familjar dhe thellësisht prekës që tregon një Afganistan befasues, përtej burkës dhe ushtrisë gjermane.
Mahboob personazhi kryesor, rikthehet në Kabul nga Frankfurti dhe takohet atje me babanë e tij, të cilin nuk e ka parë që kur iku me nënën e tij në 1979. Matematikanin e ri e rrethojnë pyetjet: Pse u nda familja? Dhe çfarë ndodhi me motrën e tij Azizën? Tani talebanët janë larguar, vendi është i shkatërruar, por plot shpresë. Mahboob zhytet gjithnjë e më thellë në këtë botë të çuditshme por të njohur.
Ai fillon të luftojë për të rindërtuar shkollën e tij të vjetër – e megjithatë ai kërkon vetëm veten e tij: Kush jam unë? ku bëj pjesë?. Në kërkim të një identiteti të tretë: Një urë e suksesshme midis kulturave
Të pranishme në promovim ishin dhe Nënkryetarja e Dhomës së Biznesit të Diasporës Shqiptare, Dr. Elisabeta Katiaj dhe Koordinatorja e Dhomës, Prof Dr. Soana Teka.
“Ishte kënaqësi të ishim pjesë, në nderim të kolegut, mikut dhe një dashamirësi aq të madh për zhvillimin e Dhomës së Biznesit të Diasporës Shqiptare. Dhoma është krenare që është mikpritëse e David Majed dhe një mision shtesë tashmë do të ketë edhe mbështetjen dhe promovimin e intelektualit dhe kulturën që ai përfaqëson” , shkruhet në profilin facebook të Dhomës së Biznesit të Diasporës.
Romanin e gjeni në AMAZON me titull “Der Himmel ist ein Taschenspiler”, në gjermanisht.
Kliko këtu: https://www.amazon.de/Himmel-ist-ein…/dp/3784433421
Për më shumë informacion, mund të kontaktoni direkt në adresën david.majed@posteo.
