Dhoma e Biznesit të Diasporës Shqiptare në partneritet me Qendrën për Ndërmarrje Private Ndërkombëtare (CIPE), Qendrën për Fuqizimin Ekonomik të Grave (CWEE), Ministrinë për Evropën dhe Punët e Jashtme si dhe Ministrin e Shtetit për Mbrojtjen e Sipërmarrjes organizon Samitin e Tretë të Grave të Biznesit të Diasporës, me titull “Gruaja për Zhvillim të Qëndrueshëm”. Ky aktivitet do të zhvillohet në datën 21 shtator 2022, ora 10.00 – 14.30, në Hotel Xheko Imperial, Tiranë, Shqipëri.

Objektivi i përgjithshëm i Samitit është promovimi i lidershipit të gruas, përmirësimi i dialogut publik-privat për mundësi të reja angazhimi dhe rritja e rolit të tyre si drejtuese biznesi. Nëpërmjet prezantimeve dhe diskutimeve në panele, aktiviteti synon të përcjellë informacione me vlerë në lidhje me mundësitë për të bërë biznes në Shqipëri dhe më gjerë, si dhe do të shërbejë si një platformë prezantuese e historive dhe modeleve frymëzuese të grave të suksesshme në biznes dhe më gjerë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.