Kur këndon Teuta të duket sikur je në prehrin e Atdheut, të duket se ke prekur gëzimin, lumturinë e jetës. Me këngën në buzë e me përqafime zemre çeli koncertin festiv të fëmijëve me rastin e përfundimit të vitit shkollor, me këngën “E duam lumturinë”.
Pasuria e njeriut është koha që jeton dhe Teuta Pango na e dhuron këtë pasuri. Nëse ke parë vetëm punët e tua dhe xhepin tënd, është një jetë e pa realizuar. Prandaj kemi të gjithë detyrim moral e shpirtëror të angazhohemi edhe për punët kombëtare. Dhe Teuta jonë kontribuon me shumë dashuri dhe ndërgjegje duke dhënë pa u shpërblyer qoftë dhe moralisht….
Dashuria, vlerësimi, konsideratat dhe mirënjohja që kemi ne si komunitet për Teutën modeste është dekorata më e lartë. Teuta Pangon e njeh gjithë Diaspora shqiptare, Kosova, trojet shqiptare ku ka marrë pjesë në veprimtari të shumta dhe skena kombëtare. Ajo gëzon nderim me personalitetin e saj, është brilante, shkëlqen më shume se dollarët dhe eurot e këngëtarëve me dekorata e tituj nga shteti ynë, ku mbushin xhepat nëpër turne që zhvillojnë në Diasporë dhe me ato para jetojnë në luks e kane blerë vila.
Të hulumtosh jetën e Teutës, vërtet punon si një emigrante ku mbart vlera për veten për familjen, zonjë e arsimuar me kulturë, e talentuar, ku ka mbushur shpirtin dhe jetën e emigrantëve me këngën shpresë atëherë ku brenga për vështirësitë e jetës dhe bullizmi racist në dhe të huaj në rënonte shpirtërisht.
Teuta të fal bashkë me këngën dhe bukurinë e saj natyrale, emrin e saj autokton ilir,TEUTË, na fal kulturë muzikore kombëtare ashtu sikur Mbretëresha e Shtetit Ilir Teuta ku zhvilloi kulturën e qyteteve ilire.
Ashtu si në çdo veprimtari kombëtare dhe këtë mbrëmje në Athine, artistja e këngës Teuta Pango nuk i mungoi nxënësve që mësojnë gjuhën shqipe dhe komunitetit shqiptar në Athinë, që festuan suksesin e përfundimin e vitit shkollor 2021-2022.
Urimet e saj ishin me këngë e me fjalë zemre, si një nënë dhe si mësuese.
I përgëzoi nxënësit për sukseset por gjithashtu dhe prindërit që sakrifikojnë të çojnë çdo të shtunë e të diel të mësojnë gjuhën shqipe.
Teuta, të vlerësoj si artiste por dhe si kolege, mësuese në profesion ku me dhuratën tuaj me të bukur, me këngën shqiptare që u jep nxënësve kaq krenari kombëtare që janë shqiptar.
Në zemrat e vogla të tyre dhuron një mal me lumturi. Suksese në kontributin tuaj kulturor kombëtar. MIRËNJOHJE!
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
