Festa e 1-Qershorit është kryefesta në emër të gjithë fëmijëve.

Ata janë kryefjala e jetës sonë, gëzimi ynë! Sot fëmijët kanë ditën e tyre të festës, gëzimi i engjëjve të tokës qoftë i bukur si vet mosha e tyre.

Le t’i gëzohen fëmijët jetës, që çdo festë të 1-Qershorit t’a presin të lumtur e të stolisur me buzëqeshje në zemër e në fytyrë.

Të ndjejnë e të gëzojnë jetën fëminore ashtu si në ëndrrat e tyre dhe në përrallat e moçme shqiptare të të madhit Mitrush Kuteli.

Fëmijët tanë rriten e festojnë, i kemi mbi gjithçka. I duam si sytë e ballit.

T’i mbajmë pranë, t’i dëgjojmë dëshirat dhe vërejtjet e tyre dhe t’i ndihmojmë pa mëdyshje. Çdo fëmijë ka nevojë për dashurinë e secilit nga ne, për shërbimin tonë, për një përqafim: DHUROJE !!!

Fëmijët u bënë pjesë e gëzimit të festës së 1-Qershorit, ku përcollën shumë urime për Ditën Ndërkombëtare të Fëmijëve. Diskutuan për lumturinë e tyre në familje, për jetën e tyre në shkollë. Diskutuam për të drejtat e tyre në shoqëri, ku treguan se ndihen me fat që jetojnë në një vend ku respektohen të drejtat e fëmijëve.

Erlinda e gëzuar uron fëmijët: Sot është Festa e Fëmijëve, festa jonë e madhe, dhe unë dua që të gjithë fëmijët të jenë të lumtur kështu si unë, si ne të gjithë këtu në klasën tonë.

Aleksandri buzëqeshur thotë: “1-Qershori është festa më e bukur për mua. Dua dhe gëzimi i fëmijëve të tjerë, të jetë i pafund, lumturia e fëmijëve nuk duhet të ndalet asnjëherë.

Të gjithë fëmijët ngritën zërin duke thënë, duam që bashkëmoshatarët tanë të ndihen të lumtur e të festojmë kështu si ne. Pak të komentosh për fëmijët që sot nuk festojnë sepse vendi i tyre është në gjendje lufte, dhe vetë fëmijët të japin informacione, dinë gjithçka çfarë ndodh në botë. Fëmijët janë të ndjeshëm për bashkëmoshatarët e tyre ku humbën jetën në Ukrahinë. Është një numër i konsiderueshëm fëmijësh, janë 264 fëmijë që u bënë viktima të luftës në Ukrahinë. Dhe fëmijët pyesin: Mësuese, përse nuk i mori në mbrojti askush këta fëmijë?

Përse i lanë atje në luftë këta fëmijë të humbasin jetën? Ata janë të pafajshëm!!!

Pra 264 fëmijë të pafajshëm, 264 bashkëmoshatarë të tyre që iu pre buzeqeshja, që ikën nga kjo botë.

Dhe fëmijët shprehin ndjesitë e tyre, dhimbjen, emocionet dhe me fjalët e tyre mbrojnë fëmijët e luftës në Ukrainë.

-NE FEMIJËT I THEMI STOP LUFTËS !

-NE, NUK DUAM QË FËMIJËT TË JENË ME LOT NË SY !

-NE, KERKOJMË QË ASNJË FËMIJË NUK DUHET TË HUMBASE JETËN NË LUFTË!

-NE, KEMI NEVOJË PËR JU… NA MBRONI NGA LUFTA, ËSHTË E DREJTA JONË!

– NE, I UROJMË GËZUAR EDHE JU BASHKËMOSHATARË QË SOT VENDI

JUAJ ËSHTË NË LUFTË.

Mesazhet e tyre janë interesante, të thjeshta por shumë domethënëse. Kërkojnë nga ne të rriturit të kemi më shumë force dhe mundësi që asnjë fëmijë të mos jetë viktimë e luftës. Kjo ditë duhet të na sensibilizojë të gjithëve për ti thënë STOP luftës e të ngremë zërin të gjithë.

Sot mora mesazhet e fëmijëve nga fjalët e tyre nga ndjenjat e tyre duke u premtuar se do të jemi në përpjekje të vazhdueshme për të bërë atë më të mirën për ta.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.