Projekti “Fluturoj me Shqipen” i prezantuar ditën e djeshme nga Dr. Elisabeta Katiaj në “Tryezën e partnerëve” është një koncept inovator për të testuar tregun dhe për të marrë një mendim të vyer nga ky panel.

Ne e konceptojmë këtë iniciativë si një hallkë  absolutisht të rëndësishme. Në këtë proces edhe ne si një kompani “Teknologjike dhe Logjistike”, e cila ndihmon të lidhim shqiptarët dhe biznesin shqiptar ku do që ndodhet në botë, shohim një mundësi kryesisht tek ndihma qe mund ti japim biznesit të vogël dhe të mesëm shqiptar. Unë do të doja t’ju prezantoja fazat kryesore të menduara prej nesh dhe më tej tek disa nga pikat kryesore të konceptit teknologjik.

Në fazën e pare ne propozojmë të fillojmë me ndërtimin e një biznes plani me te detajuar, ku më tej mund të vazhdojmë me pjesën e ngritjes se fondeve dhe donacioneve.

Ne këtë faze do e dëshironim shumë ndihmën dhe ndihma e të gjitha palëve pjesëmarrëse në këtë “Tryezë partnerësh” do të ishte shumë e rëndësishme.

Si një hap i dytë do të ishte krijimi i “bërthamës” kryesore të skuadrës sonë, duke u fokusuar tek tërheqja e ekspertëve nga Diaspora.

Në fazën tjetër planifikojmë të zhvillojmë një produkt bazë që të na bëjë të mundur të dalim në treg ose (MVP) duke filluar me pjesën e backend të aplikacionit dhe fokusuar tek menaxhimi i porosive dhe pagesave.

Gjithashtu paralelisht do zhvillojmë faqen ëeb kryesore por dhe duke lidhur kontratat kryesore për magazinimin e produktit si në Shqipëri, Ballkan dhe në Europë si fillim, dhe më pas në pjese të tjera të botës.

Në fazën tjetër do të vazhdojmë me zhvillimin e aplikacioneve mobile por në të njëjtën kohë paralelisht zgjidhjen teknologjike për logjistiken, sorting dhe distribucionin, duke vazhduar me tej në ndërtimin e rrjetit te logjistikës në Europë dhe më tej.

Pastaj do të kemi dy faza të tjera me afatgjata por jo më pak të rëndësishme, sepse përfshijnë ndihmesën tonë tek marketingu, PR, financimi, factoring e të tjerë, në biznesin e vogël dhe të mesëm.

Një pjesë kryesore e fazës së fundit është edhe fillimi i zhvillimit të implementimit të magazinës inteligjente ose smart warehousing që është e nevojshme për të përballuar rritjen e porosive

Teknologjikisht planifikojmë të zhvillojmë një zgjidhje bazuar në teknologjinë cloud dhe me një metodologji interative dhe agile.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.