Ambasada e Republikës së Shqipërisë në Berlin, Gjermani njofton qytetarët që kanë aplikuar për pasaportë dhe letërnjoftim nga data 05 deri 07 dhe nga data 10 deri 14 janar 2022 se dokumentet kanë mbërritur.
“Shtetasit shqiptarë që kanë aplikuar për pasaportë dhe ID pranë ambasadës së RSH në Berlin nga data 05 deri 07 dhe nga data 10 deri 14 janar 2022, mund të paraqiten në ambasadë për marrjen e dokumenteve çdo ditë nga e hëna deri te premten nga ora 09 deri 12.00. Ditëve të festave zyrtare sipas kalendarit shqiptar dhe ditën e festës kombëtare të Gjermanisë ambasada nuk punon.
Shtetasit që kanë lënë zarf të saktë për dërgimin me postë, pasaportat janë dërguar sot me postë nga ambasada.
Në fundjavë (e shtunë dhe e diel) ambasada është e mbyllur dhe nuk ofrohet asnjë shërbim.
Nuk ka nevojë për test as për rezervim takimi. Kush paraqitet jashtë orarit të caktuar për shpërndarje, nuk është e mundur t’i ofrohet shërbimi ndaj ju këshillojmë që të paraqiteni në ambasadë vetëm në oraret e njoftuara mësipër që të evitohet pritja apo mos marrja e shërbimit”, thuhet në njoftimin e ambasadës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
