Në Javën Ndërkombëtare të Librave për Fëmijë, nxënësit e mësimit të gjuhës shqipe në Suedi janë bërë pjesë e aktiviteteve të planifikuar përgjatë këtyre ditëve.

Biblioteka Kungsholmens në Stokholm të Suedisë dhe koordinatorja e mësuesja e gjuhës shqipe në Suedi Arta Emiri në bashkëpunim me Qendrën e Botimeve për Diasporën organizuan aktivitetin letrar një javor që përfshin lexime të librave në gjuhën shqipe nga fëmijë të grupmoshave të ndryshme që jetojnë në Suedi, me pjesëmarrjen e shkrimtares së librave për fëmijë, Rudina Çupi.

Në Institutin Ndërkombëtar të Librave për Fëmijë në Stokholm, autorja Rudina Çupi ka nisur takimet me gjimnazistët që ndjekin kurset e mësimit të gjuhës shqipe në Suedi.

Përveç pjesëve të leximeve dhe diskutimit të shkurtër rreth filmit didaktik “Mbretëresha Teutë”, ajo dhe fëmijët kaluan çaste mjaft argëtuese me lojën “Rroke-toke”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.