Tetë vjet më parë, pikërisht me 4 gusht të vitit 2013, në ngulimin arbëresh Munxhufuni, u vendos busti i Skënderbeut. Busti është vepër e skulptorit Kreshnik Xhiku me banim në Uashington. Si në të gjithë fshatrat arbëreshe, edhe në Munxhufuni, miti i Skënderbeut jeton dhe është ende i gjallë dhe për këtë arsye, ngritja e bustit shënjon nderimin dhe madhërimin e kësaj figure.
Munxhufuni, ose Montecilfone është pjesë e krahinës së Molise-s, ku u vendosën emigrantët e parë shqiptarë gjatë shekullit XV.
Në Molise kanë ekzistuar 27 vendbanime arbëreshe. Sot, pothuajse të gjitha janë zhdukur. Ato kanë lindur në periudha të ndryshme përgjatë pesë shekujve të kaluar dhe, në veçanti, më 1463 – 1466, deri në shekullin XVI.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
